Bara svona til að minna mann á hvað lífið er dásamlegt.

When you are feeling alone like no one cares, read this cuz its absolutely true:
Every night, someone thinks about you before they go to sleep.
At least fifteen people in this world love you.
The only reason someone would ever hate you is because they want to be just like you.
There are at least two people in this world that would die for you.
You mean the world to someone.
Someone that you don't even know exists loves you.
When you make the biggest mistake ever, something good comes from it.
When you think the world has turned its back on you, take a look.
Always remember the compliments you've received.
Forget the rude remarks.

Ný vika!

Já nú er hafin enn ein vikan, fór á vigtina í morgun og sko... hún hefur lækkað aftur!  Fyndið því ég hef verið að svindla og stíga á vigtina svona í miðri viku líka og þá var ekkert að gerast...  grennist ég bara á sunnudögum??

Reyndar er núna kominn fimmtudagur og mér finnst vigtin bara vera að hækka hmm....  jæja, tek þetta á næstu dögum.   Svo er árshátíð um helgina ekki á hún eftir að fara vel með vigtina.  Jæja, en maður má drekka rautt vín í hófi...  hehehe.... mín nýtir sér það.

Annars er lífið bara skemmtilegt þessa dagana :))

Vigtin aðeins að koma :)

Jæja, 1 kg. komið á mánudaginn síðan ég hóf að vigta mig.  Er búin að taka út allt nammi (eða þannig, borðaði eitt pínulítið prins póló í gærkveldi), eiginlega allt gos (fékk mér gos með matnum á þriðjudag, en þá borðuðum við á Fabrikkunni vegna afmælis stóru prinsessunnar, ég fékk mér líka gos á sunnudag en þá fór ég að sjá BRAVE með stelpunum mínum, hún var bara assgoti góð).  Brauðið er eiginlega farið líka, borða stundum eitt og eitt hrökkbrauð og þá með miklu smjöri, osti eða túnfisksalati fékk mér eina brauðsneið með hádegismatnum á þriðjudag.  Svo hef ég ekki snert kartöflur eða hrísgrjón.  Já kannski kemur þetta bara :))  Aldrei að vita, hef ekki verið svöng eitt augnablik þannig sko, ég borða þegar ég er svöng, það er engin píning í gangi.  Svo vonast ég til að komast í smá svona "ketósu-ástand", þá fær fitan að fjúka.

Bjórskólinn :)

Já nú er kominn mánudagur.  Vigtaði mig í morgun og var 1 kg. léttari en þegar ég byrjaði að vigta mig.  En vigtin er reyndar búin að vera að fara upp og niður alla vikuna.Hélt mig nokkuð vel við markmiðin um að taka út sykur, brauð, kartöflur, grjón og fleira sem inniheldur sykur.

 Föstudagskvöldið fór reyndar allt í steik því þá fór ég í Bjórskólann.  Mikið assgoti var gaman þar.  Fórum í Bjórskólann hjá Ölgerðinni, þar tók á móti okkur eldhress ungur maður að nafni Hallgrímur og hann fór eiginlega á kostum allt kvöldið með sögum af bjór og framleiðslu hans.  Bjórinn var bara á krananum og hver og einn  gat drukkið eins mikið og hann vildi, ja eða kom niður.  Auk þess sem kynntar voru fyrir okkur hinar ýmsu tegundir af bjór.  Byggmalt í hinum ýmsu myndum, humlar og fleira auk þess sem farið var í skoðanaferð um bruggverksmiðjurnar báðar tvær.

En já þetta kemur vonandi bráðlega hjá mér, þetta með vigtina.

Næstu skref.

Jæja þá, nú er runninn upp fimmtudagur.  Nú verður stefnan tekin á næsta skref í umbreytingunni.  Sko... ég er hætt að lita hárið mitt þannig að nú er það bara fallega grátt!

Næst er það léttingurinn, er búin að vera kóklaus í hvað...  næstum 3 vikur, er búin að svindla 2 svar, þ.e. í saumó fékk ég mér pepsi MAX og á sunnudaginn var.. eftir stífa drykkju á laugardeginum, fékk ég mér eina svona kók með öllu þ.e. original.  Enda þurfti ég að keyra í bæinn úr Skagafirði.

Já... ég var búin að setja markið á 15 kíló niður...  mættu alveg vera 20+ en 15 kíló er markið því þá ætlar kærastinn að hætta að reykja, svo ég geri þetta allt með heilsu hans í forgangi.  Audda...

En nú er markið sett á aðeins breytt matarræði, sleppa öllum sykri, brauði, kartöflum, hrísgrjónum ofl.  Borða meiri fitu.

Allavega tók Krissi bróðir sig til um áramótin og hóf nýjan lífsstíl og það eru 20 kg. farin hjá honum síðan!!  það gera rúmlega 2 kg. á mánuði.

Jæja nú er ég búin að skrifa þetta niður, sjáum hvað gerist rakst á ótrúlega mynd um daginn.

Spáið í það, þetta eru hvorutveggja 938 kcal.!!

see yah

"Ekki amerískar seríur"

Ég var lasin um þarsíðustu helgi og lá bara í sófanum og gæddi mér á hinum ýmsu þáttum á VOD-inu sem ég hef ekki haft tíma til að horfa á.  Þetta voru þættir frá ýmsum löndum sem allir voru í sýningu á RUV.  Fyrsti þátturinn var hinn franski "Hver myrti Rauðhettu", svo voru það þýsku þættirnir "Berlínarsaga", sænsku þættirnir "Líf vina vorra", danski þátturinn "Dráparinn" og dansk/sænski þátturinn "Brúin".  Ég get bara sagt að þetta eru frábærir þættir allir með tölu.

Sá þáttur sem helst hefur haft áhrif á mig er "Berlínarsagan", þarna er fjallað um fólk sem bjó í Berlín árið 1980... ég meina það 1980, þá er ég unglingur og get sko alveg samsamað mig við unga fólkið í þættinum.  Það mátti hreinlega ekki neitt, hugsið ykkur, ef fjölskyldan hafði ákveðið að flytja úr landi, þá voru einkunnir barnanna lækkaðar svo þau ætti minni séns í námi annars staðar. Ef Bubbi hefði búið í A-Þýskalandi á þessum tíma hefði hann bara verið í fangelsi og örugglega Baggalútur líka.  Allir skíthræddir, vinir að njósna um vini eða ættingja.  Ef þú vildir eignast íbúð þá sóttir þú um það hjá "Húsnæðisstofnun" og ef þú þóknaðist ekki yfirvöldum áttirðu ekki séns á íbúð, vinnu eða neinu.  Ef þú aftur á móti hafðir góð tengsl við æðstu yfirvöld eða stjóra hjá STASI þá var allt í gúddí og enginn þorði að andmæla þér eða hreinlega kæra þig eða fara í mál við þig.  Come on talandi um að allir væru jafnir!!  Jæja, ég bíð spennt eftir næsta þætti.

"Líf vina vorra" er aftur á móti yndislegur og fjallar um 4 karlmenn í nútímakrísu, þetta eru allt svolítið mjúkir sænskir menn sem kunna að elda, tala saman og gráta á öxlinni á hvor öðrum.  Þeir ráðleggja hvor öðrum í ástarmálum og ræða lífið og tilveruna.   Eru svona menn til??  Kannski í henni "mjúku" Svíþjóð, ég á aftur á móti ekki svona mjúkan mann, það er á tæru.

Mánudagur til mæðu? eða alls ekki

Það er tvennt sem mér er ofarlega í huga þennan mánudag.

Í fyrsta lagi, var helgin frábær, fór í Hrunaréttir á föstudag og þar á eftir í kjötsúpu á þremur bæjum. Laugardagurinn hófst með frábærum morgunverði hjá Inga og Elsu og svo var farið á hestbak. Ég hef aðeins einu sinni áður farið á hestbak og þá var ég búin að drekka svolítið og kunni ekkert, kann svo sem ekkert enn, en þetta var mun betri reiðtúr en sá síðasti. Ég sé það alveg kærastanum til mikils ama að ég gæti alveg hugsað mér að fara á hestbak af og til í framtíðinni! :).

Í öðru lagi þá er það kókleysið, ég er búin að vera kóklaus í viku og langar bara ekkert í það enn. Vonandi tekst mér að halda þessu og geta svo í framtíðinni fengið mér kók svona einstaka sinnum án þess að skítfalla. En allavega gaf svo eitt knús á kaffistofunni í morgun og mér líður vel.

1 dagur kóklaus.

Já ég kláraði fyrsta daginn með stæl, fékk smá hausverk, það gæti líka verið kvefið og pestin sem eru búin að vera hrjá mig undanfarnar 2 vikur. Já, og nú er klukkan að verða 17:00 á degi nr. 2, þannig að ég held að þetta sé allt að koma. Fékk mér reyndar 2 aukabolla af kakókaffinu mínu.....(já sko það er ekkert að marka myndina, minn er ekki með rjóma... nema þegar ég fer á kaffihús og dekra við mig) já sko, við erum ekki komin í léttinginn ennþá, fyrsta skref var að losna við kókfíknina, hitt kemur "leiter". Hafið það gott.

Játning, ég er kókisti!

Ég tók ákvörðun í morgun... já alveg satt. Ég ætla að hætta að drekka kók. Ég er einn af þessum forföllnu kókistum og á erfitt að komast í gegn um daginn nema með kókglas eða flösku við hönd... þarna er eitthvað sem hreinlega stjórnar lífi mínu. Ég fer ekki í búðina nema vera viss um að kókbirgðirnar séu í lagi. Já ég þarf meira að segja stundum ekkert að fara í búð en fer afþví að kókið er búið!! How low can you get. En allavega í dag 10. september kl. 15:00 hef ég ekki drukkið deigan dropa af kóki.. já ég veit að fyrsta vikan verður erfið, en ég skal klára þetta. Þetta er í raun byrjun á öðru stærra verkefni, en það kemur svo í framhaldinu. Kókið er byrjunin. Ég skrifa þetta hér svo ég falli síður, hérna er ég búin að gera samning við sjálfa mig og þá er undir mér komið að standa við hann.

Er enn í stuði

Komst að því að þetta blogg er allt að breytast og ég hef ekki bloggað í meira en ár, kannski gengur "fésið" af gamla góða blogginu dauðu? Mér finnst reyndar meiri stemmning í blogginu, gaman að fletta upp gömlum póstum og spá í hvað maður var að pæla þá. En allavega, ég er á lífi og kannski fer ég að setja eitthvað meira hér inn ef þannig liggur á mér.

Við unnum!!

Já eins og ég sagði við ykkur í einhverjum pistlinum, þá tók EFLA þátt í Lífshlaupinu og auðvitað unnum við í okkar flokki eins og í fyrra og hitteðfyrra....

Nú er það mottumarsinn, við erum með fjöldan allan af þátttakendum þar, og hver sá í þessu fyrirtæki sem getur en er ekki að safna yfirvaraskeggi er bara out!!!

Áfram við.

Davíð dauður?

Vá maður á auðvitað ekki að skrifa svona í bloggi en mig dreymdi í nótt að Davíð, þ.e. Davíð Oddsson væri dauður... og ég var pínu fegin... ljótt að segja það. Það fyrsta sem ég gerði þegar ég vaknaði var að opna tölvuna og kíkja á netið með bullandi samviskubit... en nei hann lifir enn.

see yah

Lífshlaupið!

Nú er lífshlaupið að byrja og ætlum við hérna hjá EFLU að taka þetta að vanda. Allir komnir í lið og allt að gerast.
see yah!

Nitten!!

Ég heyrði lag um daginn á dönsku, þetta er nú frekar vinsælt lag á Rás2 þessa dagana og alltaf brosi ég útí annað.  Ég set textan hér með svona ykkur til yndisauka og til að minna sjálfan mig á

viðlag:
Jeg har trukket nitten
Jeg har jokket i en lort
Samlet den op og bidt i den
Og det’ nitten
Og når jeg prøver på at give den videre
Til en anden idiot
Får jeg den lige i hovedet igen
Nitten

Det startede med at jeg kom lidt for sent op
Så missede jeg mit tog og mistede mit job
Men jeg sagde godt nok at jeg selv havde sagt op
Da min kæreste så jeg kom tidligt hjem

Jeg sagde: ’Det’ fordi jeg trænger til at realisere mig selv’
Hun svared’: ’Det kan du sgu gøre for dig selv’
’For jeg er træt af alt dit pis’ og så sagde hun farvel
Tog sit tøj og gik sin vej – og forlod mig

viðlag.....

Siden er det hele gået helt ad helvede til
Det kører som på skinner fra DSB
Og forleden blev jeg smidt ud af min lejlighed
Så jeg er flyttet hjem til min mor

Og lige som jeg troede at det umuligt ku’ bli’ meget værre
Så finder jeg sgu ud af at hun har en affære
Og de larmer hele natten og naboerne klager
Om jeg vil det eller ej

Min mor får mere sex end mig

viðlag.....


Mit liv er som en ligning der aldrig går op
Alt jeg rører ved ender som et flop
Jeg tror sgu egentlig snart at jeg har fået nok
Hvad har jeg gjort siden alt skal gå så galt

Jeg har prøvet både med en healer og med numeorologi
Og jeg har skiftet navn til Karsten 510
Men det nytter ikke noget – det hjælper ik’ en skid
Så jeg må bare i gang igen

For lorten æder ik’ sig selv

viðlag.....

Thomas Holm - Nitten Lyrics @ LyricsTime.com

Minni karla 2011

Já, þar kom að því að ég, einn mesti feministinn í fyrirtækinu var beðin um að halda "minni karla" á þorrablóti fyrirtækisins.
Jú, mikill heiður, og mér var sagt að fullt af hugmyndum um karla hefði komið upp þegar talað var um minni kvenna en aðeins eitt nafn þegar talað var um minni karla.


Ræðan mín var eitthvað í þessa átt, ég flutti hana blaðlaust og hringlaði aðeins í þessu:


Á ísskápnum mínum er segull sem á stendur:

Það eru 5 leiðir að því að verða hamingjusöm:
1. Náðu þér í karlmann sem elskar heimilisstörfin.
2. Náður þér í karlmann sem fær þig til að hlæja
3. Náðu þér í karlmann sem skaffar vel
4. Náður þér í karlmann sem er frábær elskhugi.
5. leiðin síðust en ekki síst
Passaðu það að þessir karlmenn hittist aldrei!!

Þetta eru auðvitað hugmynd kvenna um hinn fullkomna eiginmann.

Við sem látum okkur nægja einn í einu höfum svo sem sætt okkur við að finna mann sem uppfyllir tvö af þessum skilyrðum og ef við erum heppnar uppfyllir hann þrjú .......

Í eldgamla daga var það hlutverk mannsins að fara út verja landsvæði sitt og veiða í matinn á meðan konan var heima og sá um ungviðið og gamalmennin, rækta grænmeti og safna ávöxtum og berjum, sauma fötin og elda matinn.. Karlarnir komu svo heim að kveldi þreyttir eftir erfiðan veiðidag og settust við eldinn og sögðu hvor öðrum skemmtisögur og afrekssögur dagsins.

Í dag eru hlutverkin ekki jafnskýr, og allir farnir að vasast í öllu. Auðvitað ruglar þetta alla. Enginn veit lengur hvert hlutverk sitt er.

Sumar segja að karlmenn séu að verða óþarfir nema til undaneldis hmm... jú og sumir ganga nú jafnvel svo langt að segja að það sé að verða úrelt líka, ég er nú ekki alveg sammála þessu, ég þarf minn karlmann, allavega til að ná í hluti úr efstu skápunum og opna fyrir mig krukkur.....

Kynin eru auðvitað ólík og ég fann gamlann brandara sem lýsir þessu soldið vel en hann fjallar um hvernig á að heilla konur og karla

Strákar hlustið nú hverrnig á svo að heilla konur;

Hrósaðu henni,
faðmaðu hana,
kysstu hana,
elskaðu hana,
strjúktu henni,
stríddu henni,
huggaðu hana,
verndaðu hana,
kauptu gjafir handa henni,
bjóddu henni út að borða,
hlustaðu á hana,
stattu við hlið hennar,
styddu hana,
farðu hvert sem er fyrir hana...

Og stelpur hlustið nú hvernig á að heilla stráka:

Mættu nakin...... með bjór.

Karlar eru bara svo skemmtilegir, þeir eru svo miklir strákar, þeir gera ýmislegt sem við stelpurnar myndum ekki láta okkur detta í hug að gera. Þeir elska græjur, hraða, spennu, leiki og keppni.

Maður gæti kannski reynt að gera sér í hugalund hvernig veröldin liti út án karla.
Við mundum örugglega aka um á unhverfisvænum hægfara bílum, ef við værum með bíla yfirhöfuð, það væru engar fjarstýringar og jafnvel ekki sjónvörp, það væri kannski minna um óeirðir og ofbeldi en hvort samkomulagið væri eitthvað betra veit ét ekki, það væri minna um gleði og leiki, við erum allar svo svakalega praktískar

Og hugsið ykkur HM í handbolta í karlalausri veröld

Jæja stelpur, það verður að leyfa öllum að vera með, passa uppá að allir fái að vinna, bannað að slást og já já stelpur koma nú, en passið nú uppá að allir fái að vinna.

Nei takk, ég elska þessa karla, heimurinn væri svo glataður án þeirra, þó þeir séu langt frá því að vera fullkomnir, frekar en við konurnar!

Karlmenn eru sterkir, fallegir og yndislegir - afi, pabbi, eiginmaður, kærasti, bróðir og sonur. Mikið er ég fegin að við þurfum enn á þeim að halda og þeir á okkur.


Alexander Peterson, ólafur stefánsson, guðjón valur.. strákarnir á EFLU,..... þarf ég að segja meira

Til hamingju með daginn strákar þið eruð frábærir.

Sumar!

Það er búin að vera einmunaveðurblíða hér á Höfuðborgarsvæðinu já eða á Suðurlandi í allt sumar.  Ég er að fara í frí um helgina og vona svo innilega að blíðan haldi áfram, en það getur varla verið.... er það?  Sumarfrí... já þau eru stundum soldið fyrirkvíðanleg, þegar maður er að fara einn í frí, ég kvíði svo sem ekki mínu þetta árið þó það sé alveg óskipulagt...  Ætla bara að slappa af og vona að litlu skottunni minni leiðist ekki mikið, reikna með að eyða fríinu að mestu leyti heimavið.  Vonandi eru einhverjar fleiri skottur heima sem hægt verður að leika við.
Venjulega hefur allavega eitthvað staðið til, en þetta er alveg óvenjulegt.  Verð örugglega svo fullt á ferðinni þegar á reynir eða reikna svo sem með því, allavega kemur mér ekki til að leiðast.

En að vera í vinnunni eins og veðrið er búið að vera er hrein hörmung, ég þjáist orðið af athyglisbresti og einbeitingarskorti á háu stigi, spurning um að fara að taka svona rítalín eins og börnin.... hehehe...

jæja hætti þessu bulli og held áfram að vinna.

Þar sem sólin skín

Mér barst í hendurnar bók sem heitir "Þar sem sólin skín".  Þessi bók er eftir Lizu Marklund sem er sænskur rithöfundur og bara nokkuð góður svona í þessum sakamálasöguflokki allavega.  Bókin hefst á því að sænsk fjölskylda er myrt á suður Spáni og blaðamaðurinn Annika fer og kannar málið frekar.  Inní atburðarásina flækist svo einkalíf Anniku, erfiðleikar í samskiptum hennar við samstarfsmenn og ekki má svo gleyma hinni flóknu sögu um smygl og fleira sem tengist morðunum á fjölskyldunni.

Allavega alveg sæmilegur krimmi og á það jafnvel til að koma manni á óvart á köflum.

Ein soldið fúl og sár.

Æji, eitt svona neikvæðnisblogg.  Málið er að vegna gossins í Eyjafjallajökli, sem er nú að gera miklu meira rask en menn höfðu reiknað með, er búið að stoppa alla flugumferð í Evrópu.....  spurning hvað það varir lengi, og svo er spurning hvort opið verði heima í Keflavík þó það opnist í Evrópu...  mamma og Skottið mitt ætluðu að koma hingað til Bergen í næstu viku og vera hér síðustu dagana sem ég er hér, allir búnir að hlakka mikið til..... en nú þurfum við bara að krossa fingur að vindáttin verði hagstæð, sem ég hef eiginlega ekki hugmynd um hver er eða að gosið hafi róað sig soldið og ekki sé eins mikið öskufall frá því og er núna....  Svo bíða allir núna með öndina í hálsinum yfir nýju flóði í Markarfljóti, sem sagt er að verði mikið stærra en flóðið í gær....  vonandi að allir hafi náð að rýma og enginn sé í hættu....
Síðast en ekki síst er ég með slasað hné nr. 2, þ.e. ég slasaði hálfheila hnéð mitt, þ.e. ekki þetta skorna heldur hitt, haldið ekki að ég hafi farið með vinnunni hér í Bergen í Krullu, og náði að renna þannig að hálfheila hnéð mitt snérist allt í klessu.... ég krossa bara fingur yfir að ekki hafi neitt slitnað púff.... ég snéri nefnilega þetta hné í djúpum snjó á milli jóla og nýárs.....  en sleit ekkert skv. lækni .....en nú er ég skíthrædd... hnéð bólgnaði upp og er hrikalega stirt.....

púfff....... 

Váá... ég er að missa af öllu!!

Mér finnst soldið fúlt að vera ekki heima á Íslandi þessa dagana.  Sakna umræðanna og deilnanna á kaffistofunni, en nú er aldeilis tækifærið til að ræða málin.  Skýrslan góða.... Já og svo öll eldgosin, ég er reyndar enn með frekar veikan fót svo ekki komst ég uppá Fimmvörðuháls til að sjá fína "túristaeldgosið" okkar og svo verður gufubólsturinn á Eyjafjallajökli pottþétt búinn þegar ég kem heim aftur. 
En skýrsluna hefði ég vilja ræða við einhvern sem kann íslensku....  á reyndar eftir að lesa hana en hef fylgst vel með fréttum.  Ég sjálfstæðismaðurinn þarf auðvitað að svara fyrir okkur og okkar stefnu. 
Mér finnst reyndar soldið fúlt að allir benda á einhvern annan, enginn kemur fram og segir sorrý, ó jú Bjöggi gerði það víst í Fréttablaðinu, en það hvarf í öllu "gosstússinu".  Ég kann að meta það þegar menn segja sorrý, jú ég gerði mistök, jú ég trúði að þetta væri í lagi, jú ég var ekki nógu gagnrýninn í hugsun, jú ég tók lán, jú ég ætlaði mér of mikið, jú ég skal segja af mér. 
Reyndar tíðkast það ekki hér á landi að menn segi af sér.... en það má breyta því.
Eini maðurinn sem ég get rætt þetta við er kærastinn minn, en það er í síma yfir netið og sambandið rofnar yfirleitt þegar umræðurnar eru komnar á ákveðið stig...   hehehe.... en hann er harður framsóknarmaður og fullyrðir að þeir séu eini flokkurinn sem sé búinn að taka til hjá sér.... jú eitthvað til í því.....  En ég vildi gjarnan taka nokkrar rimmur á kaffistofunni og þær jafnvel við aðra sjálfstæðismenn.
Jæja kannski er bara gott að fá aðeins fjarlægð á þetta....  maður verður svo reiður!!!!  ARG...

2 ára gullmoli

Yndisleg frænka mín er tveggja ára í dag.  Glókollur með stór blá augu og þau dekkstu og lengstu augnahár sem finnast.  Hún á örugglega ekki eftir að sjá þetta blogg mitt hérna en ég ætla að nota tækifærið að óska henni til hamingju með afmælið og lýsa yfir leiða mínum á því að geta ekki mætt í veisluna hennar í kvöld.
En þessi gullmoli kom í heiminn fyrir 2 árum síðan og var meira en velkomin.  Hún kemur inn í stórar  og flóknar fjölskyldur.  Hún var barnabarn númer 8 báðum megin ef allir eru taldir með þ.e. skábarnabörn og slíkt með.  Hún á 3 hálfsystkin, tvær yndislegar systur sem eru líka frænkur mínar og einn stóran flottan bróðir, svo er hún líka rík af ýmsu öðru, hún á stóran Labrador hund og sérvitra kisu.

Hún er bara flottust, koss og knús.