Mánudagur til mæðu? eða alls ekki

Það er tvennt sem mér er ofarlega í huga þennan mánudag.

Í fyrsta lagi, var helgin frábær, fór í Hrunaréttir á föstudag og þar á eftir í kjötsúpu á þremur bæjum. Laugardagurinn hófst með frábærum morgunverði hjá Inga og Elsu og svo var farið á hestbak. Ég hef aðeins einu sinni áður farið á hestbak og þá var ég búin að drekka svolítið og kunni ekkert, kann svo sem ekkert enn, en þetta var mun betri reiðtúr en sá síðasti. Ég sé það alveg kærastanum til mikils ama að ég gæti alveg hugsað mér að fara á hestbak af og til í framtíðinni! :).

Í öðru lagi þá er það kókleysið, ég er búin að vera kóklaus í viku og langar bara ekkert í það enn. Vonandi tekst mér að halda þessu og geta svo í framtíðinni fengið mér kók svona einstaka sinnum án þess að skítfalla. En allavega gaf svo eitt knús á kaffistofunni í morgun og mér líður vel.

1 dagur kóklaus.

Já ég kláraði fyrsta daginn með stæl, fékk smá hausverk, það gæti líka verið kvefið og pestin sem eru búin að vera hrjá mig undanfarnar 2 vikur. Já, og nú er klukkan að verða 17:00 á degi nr. 2, þannig að ég held að þetta sé allt að koma. Fékk mér reyndar 2 aukabolla af kakókaffinu mínu.....(já sko það er ekkert að marka myndina, minn er ekki með rjóma... nema þegar ég fer á kaffihús og dekra við mig) já sko, við erum ekki komin í léttinginn ennþá, fyrsta skref var að losna við kókfíknina, hitt kemur "leiter". Hafið það gott.

Játning, ég er kókisti!

Ég tók ákvörðun í morgun... já alveg satt. Ég ætla að hætta að drekka kók. Ég er einn af þessum forföllnu kókistum og á erfitt að komast í gegn um daginn nema með kókglas eða flösku við hönd... þarna er eitthvað sem hreinlega stjórnar lífi mínu. Ég fer ekki í búðina nema vera viss um að kókbirgðirnar séu í lagi. Já ég þarf meira að segja stundum ekkert að fara í búð en fer afþví að kókið er búið!! How low can you get. En allavega í dag 10. september kl. 15:00 hef ég ekki drukkið deigan dropa af kóki.. já ég veit að fyrsta vikan verður erfið, en ég skal klára þetta. Þetta er í raun byrjun á öðru stærra verkefni, en það kemur svo í framhaldinu. Kókið er byrjunin. Ég skrifa þetta hér svo ég falli síður, hérna er ég búin að gera samning við sjálfa mig og þá er undir mér komið að standa við hann.

Er enn í stuði

Komst að því að þetta blogg er allt að breytast og ég hef ekki bloggað í meira en ár, kannski gengur "fésið" af gamla góða blogginu dauðu? Mér finnst reyndar meiri stemmning í blogginu, gaman að fletta upp gömlum póstum og spá í hvað maður var að pæla þá. En allavega, ég er á lífi og kannski fer ég að setja eitthvað meira hér inn ef þannig liggur á mér.

Við unnum!!

Já eins og ég sagði við ykkur í einhverjum pistlinum, þá tók EFLA þátt í Lífshlaupinu og auðvitað unnum við í okkar flokki eins og í fyrra og hitteðfyrra....

Nú er það mottumarsinn, við erum með fjöldan allan af þátttakendum þar, og hver sá í þessu fyrirtæki sem getur en er ekki að safna yfirvaraskeggi er bara out!!!

Áfram við.

Davíð dauður?

Vá maður á auðvitað ekki að skrifa svona í bloggi en mig dreymdi í nótt að Davíð, þ.e. Davíð Oddsson væri dauður... og ég var pínu fegin... ljótt að segja það. Það fyrsta sem ég gerði þegar ég vaknaði var að opna tölvuna og kíkja á netið með bullandi samviskubit... en nei hann lifir enn.

see yah

Lífshlaupið!

Nú er lífshlaupið að byrja og ætlum við hérna hjá EFLU að taka þetta að vanda. Allir komnir í lið og allt að gerast.
see yah!

Nitten!!

Ég heyrði lag um daginn á dönsku, þetta er nú frekar vinsælt lag á Rás2 þessa dagana og alltaf brosi ég útí annað.  Ég set textan hér með svona ykkur til yndisauka og til að minna sjálfan mig á

viðlag:
Jeg har trukket nitten
Jeg har jokket i en lort
Samlet den op og bidt i den
Og det’ nitten
Og når jeg prøver på at give den videre
Til en anden idiot
Får jeg den lige i hovedet igen
Nitten

Det startede med at jeg kom lidt for sent op
Så missede jeg mit tog og mistede mit job
Men jeg sagde godt nok at jeg selv havde sagt op
Da min kæreste så jeg kom tidligt hjem

Jeg sagde: ’Det’ fordi jeg trænger til at realisere mig selv’
Hun svared’: ’Det kan du sgu gøre for dig selv’
’For jeg er træt af alt dit pis’ og så sagde hun farvel
Tog sit tøj og gik sin vej – og forlod mig

viðlag.....

Siden er det hele gået helt ad helvede til
Det kører som på skinner fra DSB
Og forleden blev jeg smidt ud af min lejlighed
Så jeg er flyttet hjem til min mor

Og lige som jeg troede at det umuligt ku’ bli’ meget værre
Så finder jeg sgu ud af at hun har en affære
Og de larmer hele natten og naboerne klager
Om jeg vil det eller ej

Min mor får mere sex end mig

viðlag.....


Mit liv er som en ligning der aldrig går op
Alt jeg rører ved ender som et flop
Jeg tror sgu egentlig snart at jeg har fået nok
Hvad har jeg gjort siden alt skal gå så galt

Jeg har prøvet både med en healer og med numeorologi
Og jeg har skiftet navn til Karsten 510
Men det nytter ikke noget – det hjælper ik’ en skid
Så jeg må bare i gang igen

For lorten æder ik’ sig selv

viðlag.....

Thomas Holm - Nitten Lyrics @ LyricsTime.com

Minni karla 2011

Já, þar kom að því að ég, einn mesti feministinn í fyrirtækinu var beðin um að halda "minni karla" á þorrablóti fyrirtækisins.
Jú, mikill heiður, og mér var sagt að fullt af hugmyndum um karla hefði komið upp þegar talað var um minni kvenna en aðeins eitt nafn þegar talað var um minni karla.


Ræðan mín var eitthvað í þessa átt, ég flutti hana blaðlaust og hringlaði aðeins í þessu:


Á ísskápnum mínum er segull sem á stendur:

Það eru 5 leiðir að því að verða hamingjusöm:
1. Náðu þér í karlmann sem elskar heimilisstörfin.
2. Náður þér í karlmann sem fær þig til að hlæja
3. Náðu þér í karlmann sem skaffar vel
4. Náður þér í karlmann sem er frábær elskhugi.
5. leiðin síðust en ekki síst
Passaðu það að þessir karlmenn hittist aldrei!!

Þetta eru auðvitað hugmynd kvenna um hinn fullkomna eiginmann.

Við sem látum okkur nægja einn í einu höfum svo sem sætt okkur við að finna mann sem uppfyllir tvö af þessum skilyrðum og ef við erum heppnar uppfyllir hann þrjú .......

Í eldgamla daga var það hlutverk mannsins að fara út verja landsvæði sitt og veiða í matinn á meðan konan var heima og sá um ungviðið og gamalmennin, rækta grænmeti og safna ávöxtum og berjum, sauma fötin og elda matinn.. Karlarnir komu svo heim að kveldi þreyttir eftir erfiðan veiðidag og settust við eldinn og sögðu hvor öðrum skemmtisögur og afrekssögur dagsins.

Í dag eru hlutverkin ekki jafnskýr, og allir farnir að vasast í öllu. Auðvitað ruglar þetta alla. Enginn veit lengur hvert hlutverk sitt er.

Sumar segja að karlmenn séu að verða óþarfir nema til undaneldis hmm... jú og sumir ganga nú jafnvel svo langt að segja að það sé að verða úrelt líka, ég er nú ekki alveg sammála þessu, ég þarf minn karlmann, allavega til að ná í hluti úr efstu skápunum og opna fyrir mig krukkur.....

Kynin eru auðvitað ólík og ég fann gamlann brandara sem lýsir þessu soldið vel en hann fjallar um hvernig á að heilla konur og karla

Strákar hlustið nú hverrnig á svo að heilla konur;

Hrósaðu henni,
faðmaðu hana,
kysstu hana,
elskaðu hana,
strjúktu henni,
stríddu henni,
huggaðu hana,
verndaðu hana,
kauptu gjafir handa henni,
bjóddu henni út að borða,
hlustaðu á hana,
stattu við hlið hennar,
styddu hana,
farðu hvert sem er fyrir hana...

Og stelpur hlustið nú hvernig á að heilla stráka:

Mættu nakin...... með bjór.

Karlar eru bara svo skemmtilegir, þeir eru svo miklir strákar, þeir gera ýmislegt sem við stelpurnar myndum ekki láta okkur detta í hug að gera. Þeir elska græjur, hraða, spennu, leiki og keppni.

Maður gæti kannski reynt að gera sér í hugalund hvernig veröldin liti út án karla.
Við mundum örugglega aka um á unhverfisvænum hægfara bílum, ef við værum með bíla yfirhöfuð, það væru engar fjarstýringar og jafnvel ekki sjónvörp, það væri kannski minna um óeirðir og ofbeldi en hvort samkomulagið væri eitthvað betra veit ét ekki, það væri minna um gleði og leiki, við erum allar svo svakalega praktískar

Og hugsið ykkur HM í handbolta í karlalausri veröld

Jæja stelpur, það verður að leyfa öllum að vera með, passa uppá að allir fái að vinna, bannað að slást og já já stelpur koma nú, en passið nú uppá að allir fái að vinna.

Nei takk, ég elska þessa karla, heimurinn væri svo glataður án þeirra, þó þeir séu langt frá því að vera fullkomnir, frekar en við konurnar!

Karlmenn eru sterkir, fallegir og yndislegir - afi, pabbi, eiginmaður, kærasti, bróðir og sonur. Mikið er ég fegin að við þurfum enn á þeim að halda og þeir á okkur.


Alexander Peterson, ólafur stefánsson, guðjón valur.. strákarnir á EFLU,..... þarf ég að segja meira

Til hamingju með daginn strákar þið eruð frábærir.

Sumar!

Það er búin að vera einmunaveðurblíða hér á Höfuðborgarsvæðinu já eða á Suðurlandi í allt sumar.  Ég er að fara í frí um helgina og vona svo innilega að blíðan haldi áfram, en það getur varla verið.... er það?  Sumarfrí... já þau eru stundum soldið fyrirkvíðanleg, þegar maður er að fara einn í frí, ég kvíði svo sem ekki mínu þetta árið þó það sé alveg óskipulagt...  Ætla bara að slappa af og vona að litlu skottunni minni leiðist ekki mikið, reikna með að eyða fríinu að mestu leyti heimavið.  Vonandi eru einhverjar fleiri skottur heima sem hægt verður að leika við.
Venjulega hefur allavega eitthvað staðið til, en þetta er alveg óvenjulegt.  Verð örugglega svo fullt á ferðinni þegar á reynir eða reikna svo sem með því, allavega kemur mér ekki til að leiðast.

En að vera í vinnunni eins og veðrið er búið að vera er hrein hörmung, ég þjáist orðið af athyglisbresti og einbeitingarskorti á háu stigi, spurning um að fara að taka svona rítalín eins og börnin.... hehehe...

jæja hætti þessu bulli og held áfram að vinna.

Þar sem sólin skín

Mér barst í hendurnar bók sem heitir "Þar sem sólin skín".  Þessi bók er eftir Lizu Marklund sem er sænskur rithöfundur og bara nokkuð góður svona í þessum sakamálasöguflokki allavega.  Bókin hefst á því að sænsk fjölskylda er myrt á suður Spáni og blaðamaðurinn Annika fer og kannar málið frekar.  Inní atburðarásina flækist svo einkalíf Anniku, erfiðleikar í samskiptum hennar við samstarfsmenn og ekki má svo gleyma hinni flóknu sögu um smygl og fleira sem tengist morðunum á fjölskyldunni.

Allavega alveg sæmilegur krimmi og á það jafnvel til að koma manni á óvart á köflum.

Ein soldið fúl og sár.

Æji, eitt svona neikvæðnisblogg.  Málið er að vegna gossins í Eyjafjallajökli, sem er nú að gera miklu meira rask en menn höfðu reiknað með, er búið að stoppa alla flugumferð í Evrópu.....  spurning hvað það varir lengi, og svo er spurning hvort opið verði heima í Keflavík þó það opnist í Evrópu...  mamma og Skottið mitt ætluðu að koma hingað til Bergen í næstu viku og vera hér síðustu dagana sem ég er hér, allir búnir að hlakka mikið til..... en nú þurfum við bara að krossa fingur að vindáttin verði hagstæð, sem ég hef eiginlega ekki hugmynd um hver er eða að gosið hafi róað sig soldið og ekki sé eins mikið öskufall frá því og er núna....  Svo bíða allir núna með öndina í hálsinum yfir nýju flóði í Markarfljóti, sem sagt er að verði mikið stærra en flóðið í gær....  vonandi að allir hafi náð að rýma og enginn sé í hættu....
Síðast en ekki síst er ég með slasað hné nr. 2, þ.e. ég slasaði hálfheila hnéð mitt, þ.e. ekki þetta skorna heldur hitt, haldið ekki að ég hafi farið með vinnunni hér í Bergen í Krullu, og náði að renna þannig að hálfheila hnéð mitt snérist allt í klessu.... ég krossa bara fingur yfir að ekki hafi neitt slitnað púff.... ég snéri nefnilega þetta hné í djúpum snjó á milli jóla og nýárs.....  en sleit ekkert skv. lækni .....en nú er ég skíthrædd... hnéð bólgnaði upp og er hrikalega stirt.....

púfff....... 

Váá... ég er að missa af öllu!!

Mér finnst soldið fúlt að vera ekki heima á Íslandi þessa dagana.  Sakna umræðanna og deilnanna á kaffistofunni, en nú er aldeilis tækifærið til að ræða málin.  Skýrslan góða.... Já og svo öll eldgosin, ég er reyndar enn með frekar veikan fót svo ekki komst ég uppá Fimmvörðuháls til að sjá fína "túristaeldgosið" okkar og svo verður gufubólsturinn á Eyjafjallajökli pottþétt búinn þegar ég kem heim aftur. 
En skýrsluna hefði ég vilja ræða við einhvern sem kann íslensku....  á reyndar eftir að lesa hana en hef fylgst vel með fréttum.  Ég sjálfstæðismaðurinn þarf auðvitað að svara fyrir okkur og okkar stefnu. 
Mér finnst reyndar soldið fúlt að allir benda á einhvern annan, enginn kemur fram og segir sorrý, ó jú Bjöggi gerði það víst í Fréttablaðinu, en það hvarf í öllu "gosstússinu".  Ég kann að meta það þegar menn segja sorrý, jú ég gerði mistök, jú ég trúði að þetta væri í lagi, jú ég var ekki nógu gagnrýninn í hugsun, jú ég tók lán, jú ég ætlaði mér of mikið, jú ég skal segja af mér. 
Reyndar tíðkast það ekki hér á landi að menn segi af sér.... en það má breyta því.
Eini maðurinn sem ég get rætt þetta við er kærastinn minn, en það er í síma yfir netið og sambandið rofnar yfirleitt þegar umræðurnar eru komnar á ákveðið stig...   hehehe.... en hann er harður framsóknarmaður og fullyrðir að þeir séu eini flokkurinn sem sé búinn að taka til hjá sér.... jú eitthvað til í því.....  En ég vildi gjarnan taka nokkrar rimmur á kaffistofunni og þær jafnvel við aðra sjálfstæðismenn.
Jæja kannski er bara gott að fá aðeins fjarlægð á þetta....  maður verður svo reiður!!!!  ARG...

2 ára gullmoli

Yndisleg frænka mín er tveggja ára í dag.  Glókollur með stór blá augu og þau dekkstu og lengstu augnahár sem finnast.  Hún á örugglega ekki eftir að sjá þetta blogg mitt hérna en ég ætla að nota tækifærið að óska henni til hamingju með afmælið og lýsa yfir leiða mínum á því að geta ekki mætt í veisluna hennar í kvöld.
En þessi gullmoli kom í heiminn fyrir 2 árum síðan og var meira en velkomin.  Hún kemur inn í stórar  og flóknar fjölskyldur.  Hún var barnabarn númer 8 báðum megin ef allir eru taldir með þ.e. skábarnabörn og slíkt með.  Hún á 3 hálfsystkin, tvær yndislegar systur sem eru líka frænkur mínar og einn stóran flottan bróðir, svo er hún líka rík af ýmsu öðru, hún á stóran Labrador hund og sérvitra kisu.

Hún er bara flottust, koss og knús.

Bara!

Fékk frábæran póst í dag sem ég er að hugsa um að birta hér, nokkurn veginn óritskoðaðan....  vona að höfundinum sé sama ;)

Allir að fárast yfir kreppu, sukki, iceslave, snekkjum, þjófum og ræningjum.
Svo þegar allir eru búnir að tala í hringi og allir komnir með doða og ógeð þá kemur gos. Allir tala um gosið.
Allir orðnir leiðir á þessu blessaða frussi, nei gosi meina ég.
Gosið hættir þegar skýrslan er gerð opinber.
Allir blaðra sig út um skýrsluna, „þetta var bara kjaftæði“ sagði fólk, „við vissum þetta nú alveg, það þurfti enga skýrslu maður!“. „shit 160% fram úr tímaáætlun og allir með ræpu af spenningi yfir skýrlunni og svo er þetta niðurstaðan.....“ allir hundfúlir yfir skýrslunni....
Þá kemur Bjöggi Thor og segir sorrý maður, ég bara fattaði þetta ekki, sko bara (Orðið bara var mikið notað af útr-víkingum. „Slá bara lán. Endurfjármagnar þetta bara . Hirðir bara draslið maður. tekur bara Kúlu á þetta. Þetta er bara dallur osfrv...)
Þá kemur bara nýtt gos, já og ekki eins og þetta lélega drasl um daginn. Nú er almennilegur gosmökkur, stórflóð og allt almennilegt. Vantar bara gullflögurnar til að toppa þetta.

(var að heyra í aukafréttatíma að þeir búast við miklu tjóni og ekki bara á vegum og brúm... þannig að það er náttlega ekki fyndið sko)
Sem betur fer búið að koma fólki í burtu.

Njótið brosins ;)

Inngangur að Aprílbloggi.

Langt síðan ég bloggaði síðast...  en svona er þetta bara tíminn flýgur og ég verð nú að segja það að ég er heldur ekki búin að vera uppá mitt besta.

Ég fór í þessa fyrrnefndu hnéaðgerð í byrjun janúar, nánar tiltekið á afmælisdaginn minn hehehe.... eftir þó nokkra þrautagöngu, verki og slagsmál við bjúg kom í ljós að ég er með blóðtappa frá miðjum kálfa að miðju læri.  Þetta hefur kostað ýmislegt t.d. þurfti ég að sprauta mig fyrstu vikurnar og svo tek ég blóðþynnandi töflur sem eiga að forða því að blóðtappinn geri frekari skaða.  Þetta hefur nú gengið svona frekar hægt og enn er ég hölt og er vinstri fóturinn á mér mun feitari en sá hægri.  En allavega leið mér og líður stundum eins og ég hafi elst um marga tugi ára í þessum veikindum svo ekki sé talað um fleiri tuga þúsunda útgjöld sem eru nú komin vel á annað hundraðið.

En mikið ofsalega lærir maður að meta góða heilsu þegar maður verður fyrir svona áfalli, vona að það skili sér í meiri hreyfingu og hollara matarræði svona þegar ég næ að koma mér uppúr volæðinu......

Nú er ég stödd í Bergen á ný, það er mun bjartara hér núna en var í haust og sólin hefur líka látið sjá sig þó enn sé skítkalt.  Hér ákvað ég að lifa soldið svona "bohem" lífi, þ.e. ganga og taka strætó allar mínar ferðir.  Þetta kallar á þó nokkuð labb og vill brekkan hér á leiðinni heim stundum vera ótrúlega löng og brött og reynir þó nokkuð á fótinn, en ég vona að ég hafi gott af þessu.

Ég hef nú loksins tíma til að lesa eitthvað og var ég byrjuð á bókinni "Sex grunaðir" sem er eftir sama höfund og "Viltu vinna miljarð".  Reyndar er sú bók í venjulegu bindi svo ég skildi hana eftir heima hálflesna vegna þyngdar.  Í staðin tók ég með mér bækurnar "Póstkortamorðin" og "Berlínaraspirnar".  Ég lofa ykkur bókarýni á næstu dögum.

Svörtuloft

Ætla að halda áfram hér með bókarýnina, eða þannig, þetta er nú kannski meira svona listi og upprifjun fyrir mér hvaða bækur ég hef verið að lesa. 

Ég fékk Svörtuloft hans Arnaldar Indriðasonar í jólagjöf og húrra.... Nú held ég að ég sé örugglega búin að lesa allar bækurnar hans Arnaldar og mér fannst þessi best.  Jú stórt sagt og allt það, en hún hélt mér í spennu þar til yfrlauk og það tók ekki langan tíma.  Hún er fyndin og margar smellnar lýsingar í henni. 

Þarna blandast saman eiginlega 3 mismunandi ótengd mál.  Morgunblaðsstuldurinn mikli, saga ógæfumannsins og sagan um fjárkúgunina og morðið.

Allavega ef ég væri með stjörnukerfi frá 1-5 fengi þessi allavega 4,5.

Horfðu á mig

Ég fékk bókina "Horfðu á mig" eftir Yrsu Sigurðardóttur í jólagjöf.  Ég hef áður aðeins lesið eina bók eftir Yrsu og hét sú "Þriðja táknið", ég veit það ekki ég var ekkert voðalega hrifin af henni, en þessi bók þ.e. þessi nýja er allt öðru vísi og miklu, miklu betri.  Allavega náði hún mér alveg og mér finnst Yrsu ganga snilldarlega að segja eiginlega tvær sögur í einni og ná að flétta þeim svo saman í restina.  Hún greip mig allavega og las ég hana í einum grænum.  Mæli með henni við fólk sem hefur áhuga á glæpasögum sem gerast í nútímanum.  Þarna er Þóra að rannsaka mál sem gerist á sambýli fyrir fatlaða og um leið fléttar hún saman við þá sögu draugasögu úr Mosó...  Allavega góð útkoma, til hamingju Yrsa.

Out Stealing Horses

Ég ætla að reyna að halda áfram með bókagagnrýnina mína hérna og fjalla aðeins um jólabækurnar og þær bækur sem ég hef lesið undanfarnar vikur.  Fyrsta las ég "Out stealing horses" sem er eftir norskan höfund, Per Petterson, ég keypti hana reyndar á meðan ég var úti í Bergen en kaldhæðni örlaganna olli því að ég keypti hana á ensku en ekki norsku.  Þessi bók er soldið langdregin og þung, þó ekki sé hún löng eða þykk.  Hún  náði mér allavega ekki alveg þó hún væri afskaplega falleg og náttúrulýsingarnar góðar í henni.  Kannski er ég bara orðin svona spennufíkill og það gengur ekkert fyrir mig að lesa einhverjar svona hámenningarlegar bókmenntir hmmm....  Þetta er margverðlaunuð bók og að mörgu leyti mjög svona djúp þegar maður pælir í því.  Hvað fær mann, sem er vanur öllum þægindum nútímalífs, til að flytja útí skóg og búa einn langt frá öllum og öllu, þar sem hann þarf að hafa áhyggjur af því að hafa eldivið og hvernig hann eigi að geta hreyft bílinn ef snjóar.....  smátt og smátt kemst maður að hverju maður er að leita, hann er að leita að rónni og friðinum og einsemdinni, en er í raun ekki einmanna....

En allavega hún var svo sem góð þegar upp var staðið en mér hefur bara sjaldan gengið jafnilla að komast í gegn um eina bók sko....

Febrúarblogg

Æji, ég er ekki nógu dugleg í þessu bloggi.  Skrítið hvað þarf lítið til að slá mann útaf laginu.  Ég sem á erfitt með að slappa af og er oftast á fullri ferð er bara búin að vera í "slow motion" þetta árið.  Byrjaði árið á því að fara í hnékrossbandaaðgerð á afmælisdaginn minn semsagt fyrst í janúar og er bara búin að vera í mínus síðan.  Fór ekkert í vinnu í tæpar tvær vikur og hóf svo vinnu á hálfum dampi, og ég meina það hvert fór þrekið mitt og orkan...   bara púff....  sé að ég þarf greinilega að fara að vinna markvisst að því að bæta mig fyrir sumarið, en samt er það takmörkunum háð, þar sem ég má ekki vera fullri ferð strax....  Jæja, ekkert svona grát og volæði, þetta er bara á uppleið núna, sólin fer að hækka á lofti og lífið blasir við mér.....