Á barnum!

Fann þennan brandara á netinu...

Barþjónninn veit hver þú ert !

- drykkurinn segir allt...

Áður en þú pantar drykk á barnum ættirðu að lesa þetta vandlega. Sjö barþjónar frá New York voru spurðir að því hvort þeir gætu sagt til um persónuleika kvenna eftir því hvað þær pöntuðu sér á barnum. Þrátt fyrir að vera spurðir í sitt hvoru lagi voru svörin nánast þau sömu.

Niðurstöðurnar:

Drykkur: Bjór
Persónuleiki: Óformleg, ekki þurftafrek; jarðbundin.
Nálgun: Skoraðu á hana í billjard.

Drykkur: Hrærðir drykkir
Persónuleiki: Óáreiðanleg, síkvartandi, skapraunandi; alveg óþolandi.
Nálgun: Forðastu hana nema þú viljir vera skósveinninn hennar.

Drykkur: Blandaðir drykkir
Persónuleiki: Þroskuð, fáguð, þurftafrek, horfir í hvert smáatriði; veit upp á hár hvað hún vil.
Nálgun: Þú þarft ekki að nálgast hana. Ef hún hefur áhuga mun hún senda ÞÉR drykk.

Drykkur: Léttvín (Zinfandel hvítvín undanskilið)
Persónuleiki: Íhaldssöm og smekkleg; veraldarvön en fjörkálfur.
Nálgun: Segðu henni að þú elskir að ferðast og njóta rólegra kvöldstunda í góðra vina hópi.

Drykkur: Zinfandel hvítvín
Persónuleiki: Einföld; telur sig vera smekklega og veraldarvana en hefur í raun enga hugmynd hvað það er.
Nálgun: Láttu henni finnast hún klárari en hún í raun er... þetta ætti að vera einfalt skotmark.

Drykkur: Skot
Persónuleiki: Kann því vel að hanga með hóp stráka og er mikið fyrir að vera vel drukkin... og nakin!
Nálgun: Auðveldasta skotmarkið á staðnum. Þú hefur heppnina með þér. Gerðu ekkert nema bíða, en ekki reita hana til reiði!

Drykkur: Tequila
Engin þörf á frekari skýringum - segir allt sem segja þarf.

SVO, smá viðauki um karlmennina - en aðförin að strákum er alltaf Mjög einföld og skilvirk:

Innlendur bjór: Hann er fátækur og langar að ríða.

Innfluttur bjór: Hann kann að meta góðan bjór og langar að ríða.

Vín: Hann lifir í þeirri von að vínið gefi honum veraldarvant yfirbragð sem auki líkurnar á að fá á broddinn.

Viskí: Honum er skítsama um allt nema að fá á broddinn.

Tequila:Hann telur sig eiga sjens í tannlausu þjónustukonuna.

Zinfandel hvítvín: Hann er hommi!

p.s. undirrituð drekkur yfirleitt vín, en ekki Zinfandel... gæti sko alveg passað....

Sambandsleysi!

Ég átti yndislega helgi, nei ekki misskilja mig, það var ekki helgi í sumarbústað með ástinni minni, teljandi stjörnur með kampavín í heita pottinum..... hmmm... kannski á ég einhvern tíman eftir að eiga slíka helgi....

Nei, ég fór með tæplega 70 manns aðallega krökkum á aldrinum 10-15 ára í félagsútilega skátafélagasins okkar hérna í Mosó. Fórum að Laugum í Sælingsdal, sögusvið Laxdælu, reyndar er mjög langt síðan ég las Laxdælu síðast, en ég er að spá í að rifja hana upp fljótlega (hvar eru þessir 30 tímar í sólarhringnum sem ég pantaði í síðustu kosningum hmmm...). Mitt hlutverk í þessari útilegu var eldabuskuhlutverkið ásamt nokkrum hressum foreldrum öðrum. Ég fór með Skottið og Gelgjan var þarna með sínum skátaflokki, hún setti reyndar upp skeifu þegar hún frétti af því að ég ætlaði með, en ég held að það hafi aðallega verið í nösunum á henni allavega var hún alveg til í að fíflast aðeins með systur sinni í sundlaugardiskóinu sem var rétt eftir að við komum vestur á föstudagskvöldinu. Við fórum vestur í rútunni með öllum skátunum (svaka sport hjá þeirri Stuttu), en um það leyti sem við lögðum af stað spurði Skottið mig að því hvort við myndum bara fá lánað tjald.... hún var nefnilega á leiðinni í útilegu og maður er auðvitað í tjaldi í útilegu, alveg óháð því hvort það er sumar eða byrjun nóvember!! Ég svaraði því til að við yrðum í húsi, það kom aðeins svona hugsandi svipur á hana en svo sagði hún: "Ég hef aldrei verið í svona "húsaútilegu""...........

Að Laugum í Sælingsdal er í dag rekið Eddu hótel á sumrin, skildist reyndar að það væri hótel þarna allt árið og ungmennabúðir sem reknar eru á veturnar og þarna koma heilu árgangarnir og eru eina viku í senn, skildist að það væru aðallega 9undu bekkingar sem kæmu og fræðsluefnið væri miðað við það. Þarna er mjög góð aðstaða og meira að segja hægt að fara á "sokkunum" í sund og í íþróttahúsið, þ.e. hægt að ganga innandyra á milli.

Þeir vita það sem hafa farið sem eldabuskur með svona unglingahópi að það er nú ekki mikið um frítíma, maður er eiginlega í eldhúsinu allan daginn 16 tíma á dag hehehe... Allavega var maður mættur kl. 8:00 á morgnana, búa til hafragraut, smyrja brauð, skera ávexti, blanda djús... osfrv. osfrv. morgunmatur er kl. 9:00 þá er maður frammi í grautarskömmtun og að fylla á það sem klárast, þegar morgunmatnum lýkur, þarf að ganga frá, vaska upp, þurrka af borðum og klukkan orðin 10:00 áður en maður veit af, svo er mæting kl. 11:00 til að undirbúa hádegismat, og þeirri törn lýkur um 13:00, á laugardeginum var svo valdagsskrá hjá krökkunum og þaraf höfðu 8 skráð sig í bakstur og við sáum auðvitað um það, þeirri törn lauk með síðdegiskaffi og frágangi eftir það um kl. 16:30 og svo var aftur mæting klukkan 18:00 til að elda kvöldmat, törn sem lauk um kl. 20:00 þá var farið með skátunum á kvöldvöku, ofsaleg gaman og svo var kvöldkaffi, kakó, djús, afgangur af kökum dagsins og kex um klukkan 23:30.... Þannig að ekki get ég sagt að ég hafi skoðað mig mikið um í nágrenninu hehehe....

Aðalkosturinn við þessa helgi var eiginlega sá að maður náði algjörlega að kúpla sig frá öllu standinu sem er búið að vera í gangi. Þarna er ekkert GSM símasamband eða internet, það er ekkert sjónvarp í húsinu, allavega ekkert sem við fundum og svo reyndum við að stilla inn á fréttir í útvarpinu sem var í eldhúsinu en fundum enga stöð og enduðum á að setja bara á Eagles, klassagrúbba....

Semsagt alveg fréttalaus helgi.... púff þvílíkur léttir....

Halldór Laxnes sveitungi minn :)

Já, hann var nú snillingur þessi maður þó hann væri auðvitað eins og allir almennilegir listamenn misskilinn á meðan hann lifði.....

Halldór Laxness á tilvitnun við hvert tækifæri. Þessi er úr Heimsljósi. Orðin sjötíu ára gömul en hittir beint í mark.

“Vinur, sagði Annar Heldrimaður og faðmaði skáldið. Það er búið að loka
Bánkanum. Einglendíngar hafa lokað Bánkanum. Það var og, sagði skáldið. Og hvernig stendur á því að einglendíngar hafa lokað Bánkanum, sagði Annar Heldrimaður. Það er af því að það eru aungvir peníngar leingur í Bánkanum.
Júel er búinn að tæma Bánkann. Júel er búinn að sólunda öllu því fé sem
einglendíngar lánuðu þessari ógæfusömu þjóð af hjartagæsku. Júel hefur
sökt öllu fé einglendínga útí hafsauga. Þessvegna er búið að loka
Bánkanum.”


Halldór Laxness lýsir íslenskum athafnamönnum í Kristnihaldi undir jökli.

Spurt er: Hvað er hraðfrystihús?

Og svarað: „Það eru íslensk fyrirtæki. Spaugararnir reisa þau fyrir styrk frá ríkinu, síðan fá þeir styrk af ríkinu til að reka þau, þvínæst láta þeir ríkið borga allar skuldir en verða seinast gjaldþrota og láta ríkið bera gjaldþrotið. Ef svo slysalega vill til að einhverntíma kemur eyrir í kassann þá fara þessir grínistar út að skemmta sér"


Endilega farið nú að lesa.... góð og ódýr skemmtun í mesta skammdeginu... ;)

Hundalogík

Fór á fyrirlestur í síðustu viku þar sem verkfræðingur sem vinnur í banka reyndi að útskýra fyrir okkur hinum verkfræðingunum hvað hefði gerst í bankaheiminum sem olli þessu hruni og svona helstu hugtök í þessum heimi eins og skortsala, gírun, skuldavafningar, fjármálaafurðir, markaðsáhætta ofl. ofl. Hann útskýrði þetta fyrir okkur hinum með því að líkja peningum ja eða "ímynduðum peningum" við hunda. Fór í smá leik þar sem hann útskýrði það hvernig maður gæti líftryggt hund nágrannans og svo skotið hann til að fá líftrygginguna borgaða....

Hafiði spáð í það hvað "skortsala" er? Það er þegar ég sel þér hlutabréf fyrir 100 kall, ég sannfæri þig um að þetta séu góð kaup. Í raunveruleikanum á ég ekki þessi hlutabréf heldur fékk þau lánuð hjá nágrannanum gegn loforði um að ég myndi borga honum þau seinna. Ok, nú veðja ég á að hlutabréfin lækki og þau gera það og þá greiði ég eigandanum þ.e. nágrannanum þau á 80 kall og hirði mismuninn. Lesið þetta aftur með athygli.... þetta eru víst búnir að vera "eðlilegir viðskiptahættir"!

Svo hefur einn bankinn fengið lán hjá Seðlabankanum gegn veði í hlutabréfum í öðrum... og svo er ekkert eðlilegra en að kaupa sér hlutabréf í banka og láta hlutabréfin sjálf duga sem tryggingu. Sko ef þú færð lán til að kaupa bíl, tekur lánafyrirtækið veð í bílnum en þér ber skylda til að hafa kaskótryggingu á bílnum, ef eitthvað kemur nú fyrir bílinn. Hvað gerist nú ef eitthvað kemur fyrir hlutabréfin, ok þau verða verðlaus, þá bara sorry banki, þú ert hvort eð er kominn á hausinn úr því hlutabréfin þín eru orðin verðlaus og skuldin er bara afskrifuð.

Þessi hlutabréfakaup í bönkunum væri hugsanlega hægt að líkja við það að þú kaupir líftryggingu fyrir hundinn, en þú þarft ekkert að borga líftrygginguna fyrr en hundurinn er dauður og færð trygginguna borgaða og þar með er það orðið þinn hagur að hundurinn drepist sem fyrst........

p.s. myndin er á engan hátt tengd efni pistilsins heldur er fengin úr myndasafni heimilsins og nafn fyrirsætunnar er Tinna.

5 steps to happiness:

1. Find a man who loves housework.
2. Find a man who makes you laugh.
3. Find a man who has a great job.
4. Find a man who's a great lover.
5. Make sure that none of these men meet each other.

Góður!!

Kaupréttarákvæði bankanna

Sá í blöðunum í morgun hálfstaðfest það sem gekk eins og eldur í sinu um bloggheima og í netpósti í gær. Það er að lykilstarfsmenn bankanna hafi fengið að kaupa hluti í bankanum sínum, bankinn lánaði þeim fyrir honum, örugglega með veði í hlutabréfunum, og gjalddagi var einhvern tíman þegar hentaði, menn áttu ekki að geta tapað á þessu og séð var fram á að verðgildi bankanna myndi hækka með ofurhraða.

Ok, það gerðist sem enginn átti von á, en það var að bankarnir urðu verðlausir og hvað varð þá um "aumingja" starfsmennina sem nú sitja uppi með verðlausan hlut og skuldir uppá tugi eða hundruðir milljóna ja ef ekki milljarða. Hvað er nú til ráða? Sko þetta eru "lykilstarfsmenn", ég meina þetta er örugglega hæfasta fólkið og það má ekki vera í lykilstöðum í bankanum ef það verður gjaldþrota........ Bull.... auðvitað á þetta fólk að greiða sínar skuldir eins og aðrir. Sumir náðu að bjarga sér með því að stofna hlutafélög eins og "skuldirnar_mínar hf" og sleppa þá við persónulegt gjaldþrot.....

Allt þetta fólk er búið að eiga þessa hluti í nokkur ár og það þarf enginn að segja mér að ekki hafi verið greiddur arður úr bönkunum því það hefur verið gert og hvað hefur þetta fólk þá gert við þá peninga, auðvitað á það að skila þeim eins og öðru.... Það er bull að ekki finnist hæft fólk, fullt af atvinnulausu kláru fólki sem gæti stýrt þessu ja ekki síður en þessir "lykilstjórnendur" ég meina það voru nú einu sinni þeir sem settu bankana á hliðina .. ... come on ég skal taka við bankastjórastöðu einhvers staðar, treysti mér sko alveg í það, hef unnið í banka í fjölda ára við góðan orðstý.........

Ég er að hugsa um að senda Pollýönnu í frí.... langt frí....

Pæliðíðí

Sko, er skrítið að við fólkið í landinu séum soldið komin með nóg......

Ég tel nú að þessir menn eigi nú að sjá sóma sinn í því að láta aðra sjá um að rannsaka mál sona sinna.... come on...

Álíta sig hæfa til að rannsaka

VALTÝR Sigurðsson ríkissaksóknari og Bogi Nilsson, fyrrverandi ríkissaksóknari, álíta sig ekki vanhæfa til að sinna frumrannsókn á starfsemi viðskiptabankanna þriggja, í aðdragandanum að falli þeirra. Valtýr Sigurðsson sagði í samtali við Morgunblaðið í gærkvöldi að starf þeirra Boga nú fælist í því að safna gögnum. Hins vegar væri ekki verið að taka neinar skýrslur af fólki, rannsókn beindist ekki að neinum ákveðnum og enginn hefði stöðu sakbornings. Kæmi til þess yrði það í höndum viðkomandi yfirvalds, efnahagsbrotadeildar, skattayfirvalda eða annarra.
Synir starfa í útrásarfélögumSonur Valtýs, Sigurður, er forstjóri Exista. Sonur Boga, Bernhard, er framkvæmdastjóri lögfræðisviðs Stoða. Hvort tveggja er útrásarfyrirtæki með tengsl við fallna banka, Kaupþing og Glitni. Í október 2005 lýsti Bogi sig vanhæfan til að stýra athugun á gögnum í Baugsmálinu, þar sem óhlutdrægni hans var dregin í efa. Það var vegna starfstengsla bróður hans og sona við ákærða endurskoðendur hjá KPMG Endurskoðun hf., þar sem þeir störfuðu á þeim tíma.
„Ég held að hvergi sé hægt að finna nokkurn mann [til að rannsaka þetta] sem er ekki í tengslum við einhvern sjóð, banka eða fyrirtæki. Ég held það verði að stíga varlega til jarðar áður en farið er að tala um vanhæfi á þessu stigi,“ sagði Valtýr. Hann minnir á að verið sé að vinna að því að fá óháða erlenda aðila til að aðstoða við rannsóknina. Aðspurður vísaði Björn Bjarnason dómsmálaráðherra á þá Valtý og Boga. Engum væru reglur um vanhæfi betur kunnar en þeim. „...þeir eiga sjálfir síðasta orðið um hæfi sitt eða vanhæfi og treysti ég dómgreind þeirra óskorað í því efni,“ sagði Björn.

Heimavinnandi!

Fékk þetta sent í pósti og verð að birta þetta hér.

Dag nokkurn þegar maðurinn kemur heim frá vinnu sinni kemur hann að öllu gjörsamlega á hvolfi í húsinu.. Börnin hans 3 voru úti, ennþá í náttfötunum að leika sér í drullunni með nestisboxin tóm og umbúðapappír var stráð ut um alla lóðina... Dyrnar voru opnar á bíl frúarinnar, sama sagan var með útidyrnar á húsinu.. Þegar hann kom inn í forstofuna blasti við honum enn meiri óreiða. Lampi hafðu verið felldur um koll, gólfmottan var kuðluð við einn vegginn. Í næsta herbergi var teiknimynd í TV og á hæsta styrk og leikföng af öllum stærðum og gerðum voru dreifð um allt herbergið. Í eldhúsinu .. diskarnir flæddu út úr vaskinum.. morgunmaturinn var sullaður út um allt borð.. hundamatur út um allt gólf.... brotið glas var undir borðinu, smá sandhrúga var við bakdyrnar . Hann hraðaði sér upp stigann, troðandi á leikföngunum og fatahrúgum í leit að konu sinni. Hann hafði áhyggjur af því hvort hún hefði orðið veik eða eitthvað alvarlegt hefði komið fyrir. Hann fann hana hangsandi inni í svefnherbergi, ennþá í krumpuðum náttfötunum að lesa smásögu. Hún leit brosandi á hann og spurði hvernig dagurinn hefði verið. Hann leit á hana ringlaður og spurði, "Hvað skeði hér í dag?" Hún leit aftur brosandi á hann og svaraði: "Þú spyrð mig á hverjum degi þegar þú kemur úr vinnunni hvað ég hafi eiginlega verið að gera í allan dag?" "Já" segir hann tortrygginn. Hún svarar. "Jæja, í dag gerði ég ekkert!!!"

Brosið!!

Krepputal.

Er eitthvað skrítið þó að þjóðin sé komin á róandi og kvíðastillandi. Fletti að gamni í gegn um fyrirsagnir mbl.is síðasta sólarhringinn. Sko þetta er vísindalega gert.


63 sagt upp á Akranesi
Kaupþing hækkar vexti
Fresta rannsóknarborunum að Þeistareykjum
12 þúsund hafa skrifað undir áskorun
Hrina hópuppsagna hafin
Mosfellsbær tekur við rekstri íþróttamiðstöðvar
Óljóst með heimssýninguna
Samskip rifar seglin
Landsbankinn hækkar vexti
Starfshópur fjalli um stöðu fjölmiðla
Útgerðir töpuðu á gengisvörnum
Spornað við uppsögnum
Leita leiða til að hækka skammtímalán stúdenda erlendis
15 sagt upp hjá Nýherja og laun lækkuð
60 sagt upp hjá Ris ehf.
Seðlabankinn í mínus
Stjórn Seðlabankans víki
Árvakur fækkar störfum um 19 og lækkar laun stjórnenda
Áfengi hækkar um 5,25%
„Skelfilegt ástand“
Hálfdofnir þótt búist væri við uppsögnunum
Sífellt fleiri leita aðstoðar Íbúðalánasjóðs
Salan dregst saman um 40%
Rok og rigning á leiðinni
Fleiri hringja í Kvennaathvarfið vegna ofbeldis
Möguleiki á landflótta?
Turninn klæddur en öðru frestað
Mikill þrýstingur á verðhækkanir í verslunum
Þúsundir starfa tapast á næstunni
Uppsagnir í prentiðnaði tvöfölduðust í október
Uppsagnir hjá Kynnisferðum
Stjórn IMF fjallar um Ísland 5. nóvember
Rafræn umsókn um atvinnuleysisbætur
Hagrætt og sagt upp
Fylgi VG meira en Sjálfstæðisflokks
Lýst eftir 15 ára pilti
Fólk hamstrar vín fyrir hækkun
Káfaði á 13 ára stúlku
Yfir 20 manns sagt upp hjá 365 og laun lækkuð
Félagar í Eflingu draga úr útgjöldum
Uppsagnir hjá Klæðningu

Fótboltastelpurnar okkar!

Já þær eru sko bara flottastar fótboltastelpurnar okkar. Hjartanlega til hamingju með sigurinn og áfangann!

Áfram Ísland!
Áfram stelpur!

Kreppan borin saman við Afríku

Fékk þetta sent í pósti, njótið vel ;)

Íslensk kona hefur verið að styrkja námsmann í Uganda sem "óvænt varð á vegi hennar" eins og hún orðaði það. Hann var búinn að lofa að senda henni einkunnirnar sínar sem hann og gerði þegar þar að kom. Þar kom fram að hann hafði fengið A í öllum fögum og góða umsögn að auki. Það var nefnilega búið að gera honum ljóst að góður árangur væri lykillinn
að því að hann fengi áframhaldandi styrk.

Hún var að velta því fyrir sér hvort rétt væri að reyna að segja honum frá gangi mála hér á landi, og að það gæti því miður reynst nauðsynlegt að skera eitthvað niður styrkinn vegna hins breytta ástands hérna megin.
En ef reynt væri að útskýra hið Íslenskakreppuástand fyrir honum gæti það samtal orðið á eftirfarandi nótum.

*Heyrðu félagi, það er úr vöndu að ráða. Íslenska þjóðin er gjaldþrota!

Hvað segirðu, en leiðinlegt að heyra, eigið þið þá ekki fyrir baunum og maís?

*Jú reyndar eru búðir fullar af mat og enginn vöruskortur.

Hvað segirðu, þið eigið þá mat. Það er gott. En eigið þiðþá ekki þak yfir höfuðið lengur!

*Jú við eigum reyndar íbúð eins og flestir og það eru fáir heimilislausir á Íslandi.

En hvað segirðu mér þá? Gengur plága yfir landið, eru allir veikir og heilbrigðiskerfið lamað?

*Nei nei reyndar ekki, við fáum nánast ókeypis læknaþjónustu og erum með ágætt heilbrigðiskerfi.

Nú jæja. Það var gott að heyra. En eru þá skólarnir að loka og fá kannski ekki allir tækifæri til að læra að lesa lengur og sérstaklega þá ekki konur.

*Jú reyndar er 99,9% læsi á Íslandi og menntakerfið er ágætt, margir með háskólagráður og konur ekki síður en karlar.

Það er nú gott, en þið verðið þá að passa er að lenda ekki í stríði við nágrannaþjóðir ykkar.

*Uuuu við erum reyndar ekki með her og teljumst nú frekar friðsæl þjóð. En við þurfum bara að hlusta á bullið og stríðsyfirlýsingarnar í fíflinu honum Gordon Brown. Það er það sem við munum líklega komst næst því að fara í stríð.

Ok. Segðu mér nú samt ekki að þið komist ekki í hreint vatn.

*Við eigum reyndar besta vatn í heimi.

Nú, er vegakerfið þá ónýtt? Hérna í Afríku ganga allir eða nota asna og stundum reiðhjól. Það eru líka til strætisvagnar hérna, en þeir eru alltaf yfirfullir.

Eru kannski strætóarnir hjá ykkur hættir að ganga?

*Neeee... Það er verið að ræða um hvort almenningssamgöngur hér eigi að vera ókeypis, en það eru flestallir vegir malbikaðir og næstum allir eru á nýlegum bílum.

Eigið þið þá enga peninga til að gera ykkur glaðan dag? Ég meina, þú sagðir að þjóðin væri gjaldþrota.

*Flestir eiga reyndar einhvern sparnað á bókum þó sumir hafi tapað honum eða hluta hans síðustu daga. Það verður alla vega erfitt að kaupa stærri flatskjái og utanlandsferðunum verður að fækka.

Já, ég á kannski einhvern tíma eftir að fara til útlanda, en ég er nú líka frá Uganda. Hefur kannski enginn vinnu og þurfið þið núna öll að betla?

*Neiiij...! Atvinnuleysið er um 2% en við verðum að flytja Pólverjana aftur heim og fara sjálf að vinna vinnuna sem þeir unnu.

Hmmm... Svo þið hafið peninga, mat, húsaskjól, heilbrigðiskerfi, menntakerfi, búið við frið, eigið nóg hreint vatn og samgöngur eru góðar.

Segðu mér, hvert var vandamálið aftur?

Einar Már og reiðin í samfélaginu.

Einar Már er mjög góður rithöfundur og ég hef lesið nokkrar bækurnar hans og haft gaman að. Ljóðin hans er líka góð. Las greinina sem hann skrifaði í Moggann, á þriðjudag held ég að það hafi verið, hann er svo sem ekki að segja neitt nýtt bara að ausa úr skálum reiði sinnar. Það eru margir í þjóðfélaginu í dag sem eru reiðir. Jú, ég get alveg skilið það, en ég vil ekki verða reið. Hef reynt það að vera reið og það er afskaplega slítandi, tætir mann í sundur og rænir mann orku.

Í þessu máli öllu hef ég ákveðið að vera ekki reið, stíga frekar eitt skref afturábak og horfa yfir sviðið, reyna að hjálpa til við að finna lausn á þessu í stað þess að rífa allt niður. Bylting er ekki lausnin, það skiptir ekki máli þó við hengjum 20 og fangelsum 100 það breytir ekki því sem búið er að gera. Og mér finnst bara að við ættum öll að leggjast á eitt og ausa bátinn áður en hann sekkur alveg. Þegar jafnvægi er komið er sjálfsagt að setja af stað óháðar rannsóknir og þá meina ég óháða utanaðkomandi rannsókn, ekki þýðir að láta þessa menn róta í undirfataskúffunum hjá hvor öðrum, kjósa og skipta um menn í brúnni í Seðlabankanum, bara ekki ákkúrat núna, núna skulum við einbeita okkur að því að bjarga því sem bjargað verður.

En ljóðin hans Einars standa fyrir sínu:

Hvort sem sagan
er línurit eða súlurit
í auga hagfræðingsins
er heimurinn
kartafla í lófa guðs.

og eitt gamalt:

Því miður, herra framkvæmdastjóri,
ég hef ekkert að bjóða
í þessum samningaviðræðum
nema þrjú tonn af kokteilsósu,
örfá eintök af dýrafræði Jónasar frá Hriflu
og allar hljómplötur Árna Johnsens.

Afmælishelgi !

Já þá er einni afmælishelginni lokið til viðbótar. Hélt uppá 15 ára afmæli dótturinnar í gær. Það er nú þannig að maður ætlar aldrei að læra þetta, það fór lungað af laugardeginum í það að baka og þrífa og svo var afmælið í gær. Þyrfti svo að vera einn dagur til viðbótar til að slaka á. Ætti kannski að prófa að halda þetta á laugardegi næst. Reyndar var þetta yndislegt afmælisboð og alltaf er jafngaman að fá fólkið sitt í heimsókn.

Sonurinn var líka að gera það gott á sundmóti í Hafnarfirði, ofsalega stolt mamma, hann komst í úrslit í 4 af 6 greinum sem hann tók þátt í. Gott fyrir hann að fá smá púst og sjá afrakstur af öllum æfingunum.

Allavega mjög þéttsetin helgi.

IMF

Jæja, ráðamenn þjóðarinnar hafa talað. Við ætlum að fá 2ja milljarða lán frá IMF eða Alþjóðagjaldeyrissjóðnum, sem á að hjálpa okkur uppúr versta pyttinum. Vonandi fáum við lán annars staðar frá, t.d. frá Noregi, en það kemur nú í ljós. Þetta eru allavega jákvæðar fréttir fyrir þjóðina held ég. Mér skildist á þeim að ekki yrði um erfið skilyrði að ræða, allavega engin svona óyfirstíganleg.

Mig vantar 250 evrur fyrir næsta föstudag, á einhver svoleiðis sem er tilbúinn að selja mér hehehe...

Íslenska efnahagsundrið!

Fékk ágætis skýringu á íslenska hlutabréfaruglinu:

Þú átt 2 kýr. Þú selur 3 þeirra til fyrirtækis á opnum markaði með veði í gervifyrirtæki mágs þíns, gengur svo frá yfirtöku með vísan í skráningu á markaði þannig að þú færð allar 4 kýrnar tilbaka og skattaívilnanir vegna einnar til viðbótar. Afurðarétturinn af kúnum 6 er færður yfir á fyrirtæki í Karíbahafinu, en leynilegur meirihlutaeigandi þess selur þér aftur réttinn að öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að einni til viðbótar. Þú selur eina kú til þess að þóknast ónefndum stjórnmálamanni og átt þá níu kýr. Rétturinn að nautinu er seldur almenningi í hlutafjárútboði.

Svo er annað sem ég vil líka tjá mig um. Það eru háværar raddir þess efnis í þjóðfélaginu núna að það eigi bara að skipta um stjórn. Sko ég sé ekki alveg að það skipti öllu máli hver heldur um stýrið á sökkvandi skipi, og svo finnst mér betra að þeir sem eru að reyna að stýra þessu einbeiti sér að því og séu ekki að hugsa um eitthvað annað rétt á meðan.

Money, money, money....

Það er ýmislegt í þessu "bankamáli" öllu sem ég hreinlega ekki skil.... Sko, ég hef talið mig svona ágætlega vel gefna hingað til, en einhvern veginn er svo margt í þessu sem enginn skilur nema einhverjar örfáar hræður, eða ég ætla nú rétt að vona að þeir skilji þetta.....

Hvaða áhrif á þetta eftir að hafa á budduna mína? Framtíð mína, lífeyrissjóðinn minn, börnin mín? Mér finnst svo mikið rætt um það að það þurfi svona og svona lán frá alþjóðagjaldeyrissjóðnum með svona og svona skilyrðum... sko kemur mér það eitthvað við, skiptir það aðal máli fyrir mig hvort lánið fæst frá Rússum, IMF, Norðurlandaþjóðunum eða hvað?? Málið er bara að þessir toppar þarna eiga bara að redda þessu eftir þeim leiðum sem færar eru þannig að það hafi sem minnst áhrif á afkomu mína....

Mér finnst í þessu öllu saman vanta svona almenna umræðu, svona einhvern sem skýrir það út fyrir mér hvaða áhrif þetta á eftir að hafa á afkomu mína og minna....

Virðum lög og reglu allavega lögregluna!

Það kom í fréttum núna um helgina að hópur manna hafi ráðist á lögreglumenn sem komu að í venjulegt útkall, þar sem kvartað var yfir hávaða í heimahúsi. Reyndar var svo tekið fram að um útlendinga hafi verið að ræða og þeir hafi ráðist í hóp á tvo lögreglumenn.

Ég veit það ekki, en mér finnst að með fjölgun útlendinga hafi slíkum tilvikum fjölgað. Ég er ekki sátt við það að lögreglan okkar þurfi að fara að gera sérstakar ráðstafanir af því að þeir útlendingar sem hér eru bera ekki sömu virðingu fyrir henni og við hin.

Ég er ekki sátt við það að lögreglan okkar þurfi að fara að bera vopn af því hér eru staddir einstaklingar sem ekki kunna eða virða þær óskrifuðu og skrifuðu reglur í samfélaginu sem hér gilda. Ég er ansi hrædd um það að með þessu fari lögreglan að grípa til vopna fyrr en áður og "slysum" vegna vopnanotkunar lögreglu fjölgi.

Ég segi nei takk við vopnaðri lögreglu.

Konan og jeppinn!

Tók eftir því að ég hef bara ekki bloggað í heila viku.... já og jammm... hef svo sem ekkert að blogga um svona þessa síðustu og verstu. Það flæðir inn í pósthólfið hjá manni alls konar grín um "kreppuna" og slíkt og það væri alveg hægt að henda einhverju slíku hér inn. Ég hef reyndar oftast reynt að halda mig við frumsamið efni í þessu bloggi mínu.

Af öllum bröndurunum og gríninu sem ég hef fengið síðustu viku vakti eitt athygli mína og það var þessi mynd af þessum Range Rover jeppa sem á stendur Game over... en það sem vakti athygli mína var, hvað er þessi kona að gera á þessari mynd, er hún líka "game over" eru svona konur ekki lengur til heldur eða hvað??

Eitt af þessum óþolandi tilvikum þar sem fallegum, jafnvel hálfnöktum konum er blandað í alls óskylda hluti.

Smá pirr....

Steinn Steinarr

Ég sá það að haldið var uppá aldar afmæli Steins Steinarrs í dag. Steinn hefur verið minn uppáhalds ljóðahöfundur svo lengi sem ég man eftir. Mér finnst ljóðin hann æðisleg. Þau bera oftast í sér einhvern boðskap, eða ádeilu. Reyndar eru þau frekar svona þunglyndisleg og einkennilegt hvað oft er talað um gamla menn í ljóðum hans. Það er eins og hann hafi óttast ellina, en samt náði hann ekki að verða nema fimmtugur.

Hann hefur samið mörg snilldarljóð og hafa mörg þeirra verið sungin í dægurlagatextum. Ég meina það er enginn nema snilli sem hefur samið ljóð eins og þetta, fann það af handahófi í bókinn minni. Ég meina maður sér þetta sko alveg fyrir sér hehehe...:

Hugmynd

Ég er hættur að mæðast,

þó brekkan sé brött.

Allsnakin kona

kemur gangandi

með gráan kött.

Gamall maður í gulum frakka

situr á trébekk við torgið

og segir:

Faðir vor, þú, sem ert á himnum.

Heiminum er borgið.

Ný Verkfræðistofa.

Nú er nýja fyrirtækið okkar komið í loftið. Nafnið er soldið skrýtið en það venst vel, EFLA og svo undirtitill "-allt mögulegt" sem þýðir auvitað fjölbreytni og að allt sé mögulegt.... Mér líst vel á þetta og var haldið uppá það í gær með glæsibrag, þvílíkt partý.... rosa fjör..... Sko engin lognmolla hér, bara bjartsýni í gangi og vil ég meina að þetta fyrirtæki sé eitt það bjartsýnasta á Íslandi í dag. En maður er nú að kljást við timburmennina í dag eins og bankamennirnir......

Pollýanna

Já talandi um að það gerðist margt á einni viku, það má eiginlega segja að það gerist eitthvað á hverjum degi í þessum "fellibyl" sem nú geysar í fjármálaheiminum. Maður heldur alltaf að nú hljótum við að vera búin að ná botninum... en svo kemur alltaf í ljós að staðan getur bara orðið enn verri.... hmmm... þetta er eins og að ganga á fjall og halda alltaf að næsti toppur sé aðaltoppurinn en sjá þá annan aðeins hærri ekki langt frá. Púff....

Pollyanna hefur nú verið alls ráðandi hérna hjá mér, þar til í dag, þá fékk ég smá svona panikkast, einhver fór að tala um að það gæti gerst að ekki yrði hægt að nota kreditkort og ég sem nota alltaf slíkt og velti mánuðinum á undan mér. Æji ég get ekki neitað því að ég kippti einum poka af hveiti og öðrum af sykri með í körfuna í Bónus.

Davið fékk drottningarviðtal í gær sem mér fannst reyndar bara mjög gott, hann fékk réttu spurningarnar frá Simma og svaraði þeim mjög vel án þess að vera með pirring eða hroka eins og hans er von og vísa. Svo mætti halda að það væri kona sem stjórnaði "Íslandi í dag", haldið ekki að þar hafi verið mættir í viðtal tveir myndarlegustu þingmennirnir okkar eða Bjarni Ben. og Árni Páll en báðir myndu þeir sóma sér vel hérna í sófanum hjá mér.... með kertaljós og.... Já og svo var viðtal við skólabróður minn hann Sigurjón bankastjóra Landsbankans í Kastljósinu, en hann þótti nú afskaplega myndarlegur hérna á árum áður.

Allavega gott sjónvarpskvöld hjá mér hehehehe...

Edinborg og ástandið.

Já það gerist margt á einni viku..... Jæja, mér fannst ræða Geirs í gær helst minna á yfirlýsingu vegna stríðsástands eða heimsendis.... en ok, þetta var nauðsynlegt, það voru allir að tala um aðgerðir.

Nú eigum við vini bæði á Norðurlöndum og í Rússlandi, þannig að þetta getur nú lítið annað en farið skánandi.

Ég var annars í Edinborg um síðustu helgi og fannst hún alveg frábær. Það eina sem mér fannst að er að þeir hita ekki upp húsin sín og svo var rigning og raki, fötin urðu rök og gallabuxurnar náðu ekki að þorna á milli daga. Einnig var allt ástandið uppíloft hérna heima svo maður vissi eiginlega ekki hvaða gengi maður átti að reikna með en það var að lágmarki 200 kall pundið. Ekki var mikið verslað en þess meira talað, gengið, hlegið, borðað og drukkið. Frábær ferð í alla staði.

Góðan daginn bankaeigandi!

Já það kom aldeilis í ljós í gær hvað það var sem menn voru að ræða í bakherbergjum (ekki lengur hægt að tala um reykfyllt, enda allir hættir að reykja eða þannig hmmm...). Já, til hamingju með bankann sem við vorum að eignast. Mér er svo sem sagt að svona kreppa sé nauðsynleg til að hreinsa út þau fyrirtæki sem standa á sandi og þau sem eru byggð á bjargi sitji eftir. Það sem manni sárnar kannski mest eru aumingja Jón og Gunna sem hafa trúað fjármálaráðgjöfum bankanna og keypt sér hlutabréf í t.d. Glitni fyrir lífssparnaðinn. Sumir eru svo sem ungir og fá annað tækifæri en þeir sem eru komnir á efri ár fá þau ekki.

Við hin sem ekki eigum hlutabréf neins staðar, en sjáum eignir okkar brenna upp á ógnarhraða í þeirri verðbólgu sem nú er í gangi, getum huggað okkur við það að þetta er hugsanlega eina kreppan sem við eigum eftir að upplifa og það er mjög líklegt að staðan verði miklu betri eftir 12 mánuði eða svo. Þannig að það er bara spurning um að standa af sér storminn.

Davíð við stýrið!

Sá mynd af ráðamönnum þjóðarinnar framan á Mogganum í morgun. Þar sat Davíð við stýrið og Geir sat hlýðinn í framsætinu við hlið hans en Árni Matt. var settur í aftursætið hehehe...

Er þetta ekki nákvæmlega svona í raunveruleikanum?

Tíðinda að vænta?

Menn ræða það nú hægri og vinstri hvort þessi fundur Seðlabankastjóra með Forsætisráðherra í dag tákni eitthvað eða hvort þetta er bara venjulegt laugardagsíðdegiskaffi með Geira!! Það er spurning? Ég bloggaði einhvern tíman um það að það væri sama hvar Dabbi kóngur væri hann væri alltaf ráðamestur og það hefur svo sannarlega sýnt sig. En nóg um það, ég ætla rétt að vona að þeir séu eitthvað að spá í gengið, mín er sko að fara til Edinborgar á fimmtudag svo það er eins gott að pundið verði ekki í hæstu hæðum á meðan, líkt og Evran var um daginn.

Ég ætla líka rétt að vona það að mönnum detti ekki sú vitleysa í hug að taka upp Evru á meðan gengið er svona hrikalegt, þegar búið væri að umreikna launin manns í Evrur þá væri maður bara á lágmarkslaunum verkamanns í Póllandi eða eitthvað slíkt hmmm.....

Gúrku- og dýrtíð!

Já, það er sennilega löngu kominn tími á blogg, en svona er þetta maður er bara alveg hugmyndasnauður þessa dagana.

Var í París um helgina og það var bara yndislegt enda með yndislegu fólki. Þarna röltum við um borgina og skoðuðum allt það helsta, fengum okkur öl og samlokur á ýmsum stöðum. París er reyndar æðisleg borg og veðrið var frábært, góð framlenging á sumrinu, en mikið svakalega er hún dýr. Ég keypti nú ekki mikið og það var kannski ekkert sérstaklega dýrt ef maður lítur framhjá gengisskráningunni, en matur og þá ekki síður drykkur er óheyrilega dýr í París. Stór bjór getur á sumum stöðum verið á 15 evrur ég meina það hálfur lítri af bjór á rúmlega tvöþúsund krónur!! Kókglas á 5 evrur sem gerir á genginu í dag 700 kr!!

Já en svona er þetta maður borgar bara og borgar og hefur áhyggjur seinna!

Saumaklúbbar.

Fór í "saumaklúbb" um daginn, það er nú það sem svona samkomur eru kallaðar en það er kannski ekki réttnefni. Þessi klúbbur er búinn að vera starfræktur í rúmlega 20 ár, við höfum kannski ekkert verið rosaduglegar að hafa klúbb einu sinni í mánuði eða svo, en við hittumst nokkrum sinnum á ári. Það er örugglega gott efni í mastersritgerð í mannfræðum að spá í hvernig svona klúbbar myndast og afhverju. Við byrjuðum allavega rétt í lok menntaskóla og "inntökuskilyrði" í klúbbinn var að vera uppalin í Garðabænum og hafa verið í MR. Þessu hefur nú verið hliðrað aðeins og nokkrum stúlkum sem ekki voru í MR hefur verið hleypt inn og svo höfum við "fælt" frá okkur nokkrar sem uppfylltu fyrstu skilyrðin.

Það er ekki kannski hægt að segja að við séum allar bestu vinkonur því við höfum svona mismikið samband okkar á milli en þetta er vinkonur mína og mér þykir alltaf vænna og vænna um þær með hverju árinu sem líður.

Það sem er kannski merkilegt við þennan klúbb er menntunarstigið, þetta eru allt nokkuð mikið menntaðar konur, við erum með lækni, sjúkraþjálfara, meinatækni og iðjuþjálfa svona í heilbrigðisgeiranum við erum með tvo verkfræðinga, viðskiptafræðing, stjórnmálahagfræðing, flugstjóra, félagsráðgjafa og líffræðing.

Núna síðast fórum við svo að reyna að finna nafn á þennan klúbb, enda það löngu orðið tímabært, hugmyndirnar voru nokkrar og var nokkuð rætt um "eftirlætispíkurnar" (sem var eitthvað sem ónefndur kennari í MR gaf hluta hópsins á sínum tíma), dekurdúllurnar, GB gellurnar þar sem GB stæði þá fyrir Garðabæ osfrv. osfrv. Við föllum reyndar engan vegin undir eitthvað svona Dúllu eða Eftirlætis dæmi eitthvað en það gæti líka verið kaldhæðnin í þessu. Hafið þið einhverjar hugmyndir hehehe....

Svo er annað atriði en það er það sem rætt er á þessum "fundum" okkar og ég skal gefa ykkur nokkur stikkorð svona til að þið getið svo getið í eyðurnar : "businn", "hollensk" súpa, fullnægingar, G-blettinn, unglingaástir, tröppurnar á MR, gamla kennara, "verslóliðið" bæði núna og í gamla daga, trúarbrögð, íslenskar kjarnakonur, botox, silicon, skonsur, BSÍ, sviðakjamma ofl. ofl. Allavega var hlegið svo mikið að við vorum farnar að hafa áhyggur af grindarbotnsvöðvunum hehehe... en til að toppa það allt fórum við nokkrar á trampólínið sem var fyrir utan húsið á leiðinni út í bíl.... Frábært kvöld.

Hláturinn lengir lífið, ég er sko sannfærð um það og við komum allar heim dauðþreyttar en pottþétt mörgum árum ef ekki áratugum yngri.

Sú allra þrjóskasta.

Skottið mitt elskar það að fara í sund, við höfum svo sem öll mjög gaman að því að fara í sund og höfum verið dugleg við það. Þannig að ég ákvað það að skrá hana nú á sundnámskeið, hún kann eitthvað af sundtökunum en heldur sér ekki uppi á floti án kúta enn, svo mér fannst þetta tilvalið enda er stóri bróðir hennar búinn að ákveða það að hún skuli æfa sund hmmm.... Ég ræddi þetta aðeins við hana í síðustu viku, en námskeiðið byrjar í dag, og hún var alveg hörð á því að hún þyrfti ekkert sundnámskeið hún kynni sko að synda og hana nú. Ok, ákvað aðeins að hvíla þessa umræðu en hóf hana aftur í gær og sama svarið kom, ég horfði soldið á hana og sagði "já, en þér þykir svo gaman í sundi, þarna fengirðu að fara í sund alla mánudaga". Hún horfði á mig með stóru augunum sínum og sagði svo "fer maður ofan í sundlaugina á sundnámskeiði??" Já, það er nefnilega málið, ég veit ekki hvernig námskeið hún hélt hún væri að fara á hmmm...... Það þarf stundum að útskýra hlutina betur fyrir þessum krúttum.

Svo hún var alveg spennt að fara á sundnámskeið þegar ég setti hana í leikskólann í morgun hehehe....

París aftur og nýbúin.

Vá hvað tíminn líður, mér finnst ég rétt vera búin að taka uppúr töskunum og ná að þvo allan þvottinn á heimilinu sem safnaðist fyrir þessa viku sem ég var í burtu en já nú er að koma að því aftur að ég fari þ.e. ferð númer tvö og aftur til Parísar. Þyrfti að koma mér upp kærasta þar hmmm... En allavega er farin að hlakka til að fara aftur enda verður þetta skemmtiferð með yndislegu fólki. En svo er þetta svona alveg týpísk ég á leiðinni til útlanda og Evran í hæstu hæðum.

Þurrkarinn minn söng sitt síðasta, allvega í bili, á föstudag, sló bara út öllu rafmagninu í húsinu. Vonandi nær töframaður hann "fyrrverandi" tengdó að laga hann aftur í þetta sinn, hef eiginlega ekki efni á þurrkara í augnablikinu. Þvílík peningaútlát alltaf svona á haustin, það er bara eins og peningarnir velti uppúr veskinu hjá mér þessa dagana, skólarnir byrjaðir og svo þarf að greiða tónlistarskóla, fimleika, sundnámskeið, æfingaferðir, skátar ofl. ofl. Hvernig fer fólk eiginlega að sem er með lægri tekjur en ég, skil það eiginlega ekki, ég þyrfti að vera með svona 100 þús. kall í viðbót á mánuði til að þurfa ekkert að vera að hafa áhyggjur af þessu öllu saman. En já peningar þetta er endalaus barátta.

Meydómshringur hvað??

Kannski móðga ég einhvern með þessari færslu minni hérna en það verður að hafa það. Oft hef ég nú hneykslast á Bandaríkjamönnum og því sem þaðan kemur, en ég er mjög ósátt við þá stefnu sem virðist vera allsráðandi þar núna en það er þessi kynlífsmál þeirra.

Í stað þess að vera með uppbyggjandi kynlífsfræðslu og tala opinskátt um getnaðarvarnir eru notaðar 18. aldar aðferðir sem miða að því að segja að getnaðarvarnir séu aldrei alveg öruggar og því sé bara best að sleppa þessu fyrr en maður finnur þennan eina rétta og gengur upp að altarinu með honum. Svo er það líka kennt að fóstureyðingar séu aldrei réttlætanlegar. Á meðan er aldrei eins mikið fjallað opinberlega um kynlíf, tónlist, myndlist, kvikmyndir ofl. ofl. er allt meira og minna kynlífsskotið. Við hverju búast menn svo, ungar stúlkur fullyrða að þær séu hreinar meyjar en þær hafa jafnvel stundað munnmök og endaþarmsmök til að halda meydómnum hmmm..... ekki til eftirbreytni. Svo þegar þetta fólk ákveður að stunda kynlíf eins og ætlast er til að það sé gert, kann það ekkert að stunda ábyrgt kynlíf því það er kennt að smokkar séu svo óöruggir þannig að kynsjúkdómar og unglingaólétta grassera sem aldrei fyrr. Svo er þetta með fóstureyðingarnar algjört tabú líka, mér finnst að það eigi að vera hverri konu í sjálfsvald sett hvort hún vill fóstureyðingu eða ekki sama hver ástæðan er, þær eiga að vera frjálsar. Það segir sig sjálft að lífsgæði margra ungra stúlkna verða mun minni ef þær eignast börn ungar, hér heima er nú líka allt annað félagslegt kerfi en í USA þar sem barnaheimili kosta heilan helling, skólaganga er ekki frí og margar þessara stúlkna er hafnað af stórfjölskyldum sínum og enda á götunni með krógann.

Nýjasta æðið í USA er að ganga með svona meydómshring, æji þvílík hræsni.

Svo kemur toppurinn af öllu, þeir telja margir hverjir að kynlífsfræðsla og fræðsla um getnaðarvarnir hvetji til kynlífsiðkunnar come on.

Þessi tvískinnungur Bandaríkjamanna fer rosalega í taugarnar á mér.

Smá pæling, þ.e. ein af mörgum!

When a GIRL is quiet ... millions of things are running in her mind. When a GIRL is not arguing ... she is thinking deeply. When a GIRL looks at u with eyes full of questions ... she is wondering how long you will be around. When a GIRL answers " I'm fine " after a few seconds ... she is not at all fine.

When a GIRL stares at you ... she is wondering why you are lying. When a GIRL lays on your chest ... she is wishing for you to be hers forever. When a GIRL wants to see you everyday... she wants to be pampered. When a GIRL says " I love you " ... she means it. When a GIRL says " I miss you " ... no one in this world can miss you more than that.

Life only comes around once make sure u spend it with the right person .... Find a guy ... who calls you beautiful instead of hot. who calls you back when you hang up on him. who will stay awake just to watch you sleep. Wait for the guy who ... kisses your forehead. Who wants to show you off to the world when you are in your sweats. Who holds your hand in front of his friends. Who is constantly reminding you of how much he cares about you and how lucky he is to have you. Who turns to his friends and says, " That's her!! "

Breiðuvíkurmálið

Já, það er mikið rætt um þetta Breiðuvíkurmál og auðvitað er þetta alvarlegt mál. Hér erum við að tala um aðgerðir barnaverndarnefnda á árum áður og ég trúi því að þeir sem hafi tekið þessar ákvarðanir hafi virkilega trúað því að þeir væru að gera það besta fyrir þessi börn á þeim tíma.

Aðbúnaður þessara barna var misjafnur bæði heima við og á þessum heimilum sem hýstu þessi börn tímabundið. Nú er allt brjálað yfir þessum bótum, auðvitað er tæplega hálf milljón ekkert sem hægt er að tala um sem bætur en hver er rétta upphæðin, er einhver upphæð rétt? Þó þetta fólk fái afhent 500.000, 5 milljónir eða 50 milljónir þá breytir það engu um líðanina eða það líf sem þetta fólk hefur lifað hingað til og þær þjáningar sem það hefur upplifað, hver ætlar að meta það hver þjáðist mest, hver varð fyrir mesta eineltinu, hver hefur átt verra líf? Svo er stóra spurningin sú, hvar væri þetta fólk statt í dag ef það hefði ekki farið að Breiðuvík, væri það betur statt, meira menntað, hefði það átt betra líf?

Púff... Fegin er ég að hafa ekki verið í þessari nefnd sem fór með þetta mál.

Mosó

Eins og dyggir lesendur mínir hafa eflaust séð bý ég í Mosó. Eftir skilnaðinn, var ég mikið að spá í að flytja eitthvað langt í burtistan, mér fannst allur bærinn vita hvernig komið væri fyrir mér og allt það sem á undan var gengið. Ég átti erfitt með að fara í búðir hér og versla í matinn, annaðhvort fannst mér fólk líta á mig eða það kom og vildi ræða málin. Ég fór að versla nálægt þar sem ég vinn og forðaðist það að vera eitthvað á mannamótum í Mosó. Ég keypti mér samt íbúð í Mosó og var það fyrst og fremst barnanna vegna þar sem Unglingurinn og Gelgjan voru bæði í unglingadeild og Skottið í leikskóla þar sem þau voru alsæl. Sá að á næsta ári þ.e. árið 2009 væri smuga að flytja burt, þá myndi Gelgjan klára skólann og fara í framhaldsskóla og Skottið myndi hætta í leikskóla og fara í skóla.

Fór á Sálarballið í Hlégarði um helgina og mikið afskaplega var gaman, og þar hitti ég allt yndislega fólkið sem býr í Mosó og ég þekki og þarmeð ákvað ég það að ég ætla ekkert að flytja úr Mosó, ég ætla ekki að láta einhverjar örfáar hræður sem fara í taugarnar á mér og búa hér skemma fyrir öllu hinu frábæra fólkinu sem hér býr. Fyrir utan það að hér eru frábærir skólar, frábært barna- og unglingastarf á mörgum sviðum og stutt í fjallið, fjöruna, sveitina og borgina.

Eitt fannst mér samt soldið fyndið en þannig var mál með vexti að bróðir minn býr líka hér í Mosó og hann var með mér á ballinu, einhver sagði við okkur eitthvað á þá leið, jæja svo þið systkinin eru þá bæði Mosfellingar, bróðir minn var nú fljótur að svara nei, við erum Garðbæingar en við búum í Mosó hehehe....

En ég já, ég held að ég ætli að búa áfram í Mosó.

Myyearbookphoto

Fann frábæra síðu, kannist þið eitthvað við þessa konu??

hehehehe.....

Golf og Sálin!

Já, sko verð víst að klára söguna með golfið. Þetta var bara æðislega gaman, fórum austur fyrir fjall að Kiðjabergsvelli. Veðrið var bara dásamlegt, hlýtt, sólarlaust og rigndi bara eina holu. Þetta var full rúta svona uþb. 50 manns og við vorum 4 stelpurnar hmmm... kannski ekki slæmt miðað við að við vinnum nú einu sinni í "kallageira". Okkur var skipt í lið og var okkur sagt að það yrði skipt þannig að vanur og óvanur yrðu saman í liði og svo spilað það sem kallast "Texas scramble" sem þýðir að betri boltinn er alltaf látinn ráða. Allavega ég lenti með manni í liði sem er með 36 í forgjöf eins og ég, en hann var ekki alveg byrjandi og honum gekk bara sæmilega. Mínir boltar voru bara nokkuð oft látnir ráða þó ég slægi yfirleitt mjög stutt en þá var ég alltaf glöð ef boltinn var farinn þegar högginu var lokið, sko það voru alveg vindhögg og allt þarna hehehe.... En jæja þetta var bara gaman fengum okkur nokkra koniaksjússa og nokkra bjóra í þessa 6 klukkutíma sem það tók að spila þessar 18 holur. Hehehehe.... það er nú ekki alveg í lagi vera að spila í fyrsta skipti og spila heilar 18 holur, en jæja lifði það af, var nokkuð lúin orðin þegar við komum í mark og á móti okkur tók rjómalöguð aspassúpa í forrétt og lambalæri í aðalrétt og það rann sko ljúft niður.

Í gærkveldi skellti ég mér svo á ball með Sálinni hérna í Hlégarði í Mosó, alveg meiriháttar gaman og það sem maður hitti af fólki!! Allavega, skemmtilegt ball með frábæru fólki.

Golfkveðjur......

Golf hmmm.....

Já, það sem maður lætur hafa sig útí. Er þetta ekki bara týpísk svona ég, alltaf til þó ég hafi engar forsendur til að taka þátt, bara vera með hugsjónin........

Sko, málið er þannig vaxið að í nýja stóra sameinaða fyrirtækinu mínu er alltaf haldið golfmót einu sinni á ári. Mér var sko sagt að það tækju allir þátt, alveg óháð kunnáttu, OK, ég sló til, maður verður nú að fara að kynnast þessum nýju samstarfsfélögum sínum en ég er semsagt að fara að taka þátt í golfmóti á morgun.

Sko þá er hitt málið, ég hef aldrei og þá meina ég aldrei spilað golf, ágæt í "krokket" en það gildir víst ekki í golfi. Hef labbað nokkrum sinnum með fyrrverandi svona golfhringi og verið bara svona "kylfuberi" en aldrei spilað sjálf.

Við fórum í gær tvær héðan í Bása til að prófa að koma við kylfur og slá nokkra bolta. Ok, það gekk ekkert rosalega vel og við fylltumst svona smá frammistöðukvíða, púff, erum við að fara að gera okkur að fíflum þarna á föstudag eða hvað? Svo kom í morgun hvort ég hefði hugmynd um hve margar konur ætli að taka þátt? Váá, það væri bara svo týpískt fyrir okkur ef við yrðum svo ofan á allt einu konurnar á svæðinu. Jæja, það var sko einn ljós punktur á þessu öllu saman en það voru strákarnir þarna, hver öðrum flottari og huggulegri á besta aldri hmm.... (örugglega allir fráteknir) og bílarnir maður, þvílíkt flottir, BMV, Benz, Audi, Range Rover, Volvo já bara nefndu það (örugglega allir í eigu Lýsingar hehehe...)

En allavega það má alveg skoða það að fara að stunda golfið hmmmm.....

Enginn veit hvað átt hefur..........

Þegar ég fór í gegn um fríhöfnina um daginn keypti ég mér eina bók, á það til þegar ég fer í gegn um fríhöfnina en tími svo ekki að kaupa bækur þegar ég fer í bókabúðir hér í bænum hmmm.... skrítið, stundum finnst mér eins og maður missi verðskynið þegar maður er kominn í fríhöfnina, kortið er bara straujað og straujað, kaffibolli á 500 kall allt í lagi maður er nú einu sinni á leið til útlanda. Ég held að "attitudið" hjá mér sé svo sem svipað og hjá flestum hinum allavega sér maður fólk bara missa sig þarna í fríhöfninni.

En þetta var nú ekki efni í pistil dagsins þó ég gæti örugglega skrifað heilan pistil um þennan íslenska "kúltur". Geri það kannski í byrjun okt. þegar ég verð búin að fara tvær ferðir til viðbótar í gegn um fríhöfnina. Allavega hvaða kjaftæði er þetta í mér, farðu nú að koma þér að efninu kona!

Sko bókin heitir "Marley og ég" og er sko bara yndisleg sérstaklega fyrir núverandi, fyrrverandi og tilvonandi hundaeigendur. Hún fjallar um hund og samskipti hans við fjölskylduna um leið og saga fjölskyldunnar er rakin í þau ár sem hundurinn lifði. Marley, það er sko hundurinn, er ekki það sem hægt er að kalla draumahund eða þannig. Ég veit ekki hve oft ég skellti uppúr alein á hótelherberginu, ég á nefnilega soldið svona "léttgeggjaðan" hund. Hún er yndisleg, en sjálfstæð, ákveðin, þrjósk og ofboðslegur fjörkálfur. Ég hef oft lent í vandræðalegum aðstæðum með hana þegar hún hleypur á eftir hestum og geltir og geltir, þegar hún stakk af i sumarbústaðnum hjá mömmu og pabba og dró mig yfir ánna að nokkrum kindagreyjum sem áttu sér einskis ills von og smalaði þeim saman og rak þær á sund hmmm.... Einnig er henni sérstaklega illa við hjól og hjólreiðamenn þeir fá sko aldeilis að heyra það ef þeir koma nálægt okkur, svo ég tali nú ekki um mótorhjól og flutningabíla. Hún fagnar öllum sem koma heim með því að hoppa upp á þá og svo fer hún í mikið manngreinarálit og geltir á suma en fagnar öðrum algerlega óskiljanlegur munur. En svo er hún ljúf eins og engill, Skottið má láta með hana eins og hún vill, hefur m.a. klætt hana í stuttermabol, setið á hestbaki, legið ofan á henni og svo stendur hún yfir henni og skammast og skammast segir henni að setjast, liggja, koma, fara osfrv. og tíkin hlýðir þessu öllu þegjandi og hljóðalaust.

Punkturinn minn er kannski í þessu að ég komst að því við lestur þessrar bókar að hundurinn minn er sko langt frá því að vera sá óþekkasti og það er ótrúlegt hvað maður getur tengst svona dýri sama hvernig það lætur og sama má svo sem segja um börnin manns maður elskar þau skilyrðislaust sama hvernig þau láta.

Í túninu heima

Um helgina var bæjahátíð Mosfellsbæjar, sem ber nafnið "Í túninu heima". Vegna farar minnar til Parísa missti ég af henni að mestu leyti en á sunnudagskvöldinu skellti ég mér með Skottið á tónleika á Bókasafninu. Þarna voru flutt ljóð og lög við ljóð Halldórs Laxness. Það sem skemmtilegast var við þetta var að flytjendurnir voru allt ungir krakkar, sá elsti kannski rétt að skríða í tvítugt. Það var hljómsveit og nokkrir söngvarar allt niður í 9 ára gamlar stelpur. Ég veit það ekki en ég fylltist stolti yfir öllu þessu hæfileikaríka fólki sem við eigum þarna í Mosó, greinilegt að skólakórarnir, lúðrasveitin og tónlistarskólinn er að skila frá sér frábæru fólki og greinilegt að verið er að gera góða hluti á þessu sviði. Áfram Mosó!!

Það var soldið fyndið, að þegar við fórum út sótti Skottið regnjakkann sinn, ég spurði hvað hún ætlaði að gera við hann. Jú sko, hún hafði verið á útitónleikum með pabba sínum kvöldið áður og orðið rennandi blaut og ætlaði sko ekki að láta það koma fyrir aftur. Ég útskýrði fyrir henni að þetta væru innitónleikar og ekkert víst að þeir væru eins skemmtilegir og tónleikarnir kvöldinu áður. Á miðjum tónleikum lítur hún á mig og segir "mamma þetta eru víst skemmtilegir tónleikar" sem þeir svo sannarlega voru.

Að sakna soldið eða mikið!!

Þegar ég kom heim á laugardag hitti ég Skottið mitt. Hún kom til mín eftir kvöldmat og svei mér þá ef hún hefur bara ekki stækkað þessa viku hmmm.....

Um kvöldið vorum við komnar uppí að kúra og ég tek utan um hana og knúsa fast og segi svo "æji ég saknaði þín soldið á meðan ég var í París". Hún leit á mig stóru augunum sínum og sagði ákveðið "ég saknaði þín mikið" (sko með áherslu á mikið) hmmmm.... Maður þarf greinilega að vanda orðavalið hehehe.....

París

Já París er yndisleg, kom heim í dag eftir mjög góða og fróðlega viku. Ráðstefnan var bara mjög góð og Íslendingarnir sem voru á henni auðvitað ennþá betri. Skemmti mér mjög vel, borðaði alltof mikið en náði að drekka nokkuð í hófi.

Strax á laugardagskvöldinu þegar komið var út fórum við fjögur saman út að borða og svo drifum við okkur þrjú á "Barra Latino" í Bastilluhverfinu en þar er mjög góður dansstaður, fyrst fannst mér ég vera svona í eldri kantinum, en strákunum þarna fannst það ekki og stóðu í röðum að fá að dansa við mig þannig að ég ákvað það að allir séu 25 ára í París hehehe......

Sunnudagurinn fór í það að horfa á leikinn! Já leikinn maður, handboltaleikinn, ég pantaði mér morgunmat uppá herbergi og horfði á strákana okkar taka silfrið. Frábært, þó auðvitað hafi maður verið svekktur í nokkrar mínútur eftir leikinn en "se la vie". Seinnipartinn var svo setning ráðstefnunnar og drykkir í boði hússins.

Svo hófst alvara lífsins og maður sat á fyrirlestrum frá 8:45 - 12:00 og svo frá 14:00 - 18:00 og á milli og eftir fór maður á þessa svakalegu sýningu þar sem allir framleiðendur og þeir sem yfir höfuð koma nálægt bransanum voru að kynna sig alls u.þ.b. 150 básar hver öðrum flottari.

Í gær semsagt á lokadegi ráðstefnunnar var nú hætt aðeins fyrr og ég var komin uppá hótel um fimmleytið, klæddi mig í strigaskó og ljósar buxur og fór í langan göngutúr, enda veðrið dásamlegt.

Komst reyndar að því í gær að maður á ekki að vera einn í París, eiginlega alveg óháð því hvað maður er hrifinn af borginni, maður á að vera ástfanginn í París. Annars verður maður bara soldið dapur. Þarna eru allir ástfangnir, haldast í hendur og kyssast á götuhornum, allur aldur allt frá jafnöldrum Unglingsins og jafnvel Gelgjunnar í eldra fólk á aldur við foreldra mína.

En svona er lífið, það er ekki á allt kosið hmmm......

Ísland-Frakkland

Jæja, þá er það ljóst! Vááá.....

Við erum að koma heim með 16 verðlaunapeninga frá OL í Peking.

Hver hefði eiginlega trúað því þegar þessir leikar hófust að við myndum spila um verðlaun? Jú strákarnir og Óli trúðu því svo sannarlega og hafa sýnt okkur það.

Ég verð stödd á hótelherbergi í París þegar leikurinn fer fram púff..... Verð að fá mér stóran fána til að setja á bringuna til að hafa með mér þegar við vinnum Frakkana.

Áfram Ísland, við erum bestir!!

Er strax komið haust?

Haustverkin eru hafin hér, þetta eru nú ekki svona hefðbundin haustverk eins og menn eiga að venjast úr sveitum landsins heldur endalausir fundir og fundarsetur í þeim ráðum, nefndum og stjórnum sem maður hefur "asnast" til að láta plata sig í. Þessar vikur, semsagt síðasta vikan í ágúst og fyrsta vikan í september, eru þéttsetnar af fundum. Ég var m.a. á tveimur í gær hmmm....

Já ég verð að fara að læra að segja nei!

París here I come!

Jæja, það kom upp núna seinnipartinn sú staða að ég var spurð að því hvort ég kæmist til Parísar á laugardag til að sitja ráðstefnu alla næstu viku. WHAT! Auðvitað, ég meina það, París er nú einu sinni ein af mínum uppáhaldsborgun og ég hef farið á þessa ráðstefnu áður og hún er bara nokkuð skemmtileg þannig að það var engin spurning. Missi reyndar af Menningarnótt í Reykjavík og af Túninu heima, en það verður nú bara að hafa það, ekki getur maður verið alls staðar.

Þannig að ég er semsagt að fara til Parísar á laugardag og verð þar í viku, kem næsta laugardag heim. Ekki slæmt, það eru nokkrir að fara frá Íslandi þannig að maður ætti nú að geta fengið einhvern góðan félagsskap í rauðvínið og röltið.

Ég er reyndar á leiðinni aftur til Parísar þann 18. sept., en so, maður á nú ekki erfitt með að finna sér eitthvað að gera í París.

Þannig að á morgun þarf ég að finna mér flugfar og panta mér hótel einhvers staðar í nálægð við ráðstefnuhöllina, það verður nú bara gaman.

"Strákarnir okkar!"

Þeir voru sko bara frábærir strákarnir okkar í morgun í handboltanum. Þeir spiluðu svo sannarlega með hjartanu og áttu sigurinn fyllilega skilið enda einum færri í örugglega kortér af leiknum.

Ég var búin að stilla klukkuna á 7:00 ætlaði bara að sjá seinni hálfleikinn. Vakna svo eldsnemma og hreinlega gat ekki sofnað aftur og kíkti á klukkuna hún var 6:30 þannig að ég þeyttist fram í stofu og kom í leikinn þegar u.þ.b. 15 mínútur voru liðnar af leiknum.

Ég sat svo bara límd, mér finnst reyndar mun betra að horfa þegar við erum undir því þá höfum við allt að vinna og engu að tapa. Þegar við leiðum leikinn þá finnst mér alltaf svo mikið eftir af leiknum að ég á erfitt með að horfa á það, enda var ég sko bara kominn í það að leysa "SUDOKU" þrautina í Mogganum og horfði á lokamínúturnar með öðru auganu púff......

Ég er ekki frá því að það hafi svo runnið gleðitár niður kinnina þegar tekin voru svo viðtöl við "Strákana okkar" sem svo sannarlega gerðu sitt besta og aðeins meira......

ÁFRAM ÍSLAND!!

Í berjamó.

Já, við fórum í berjamó í gær ég og Skottið ásamt tíkinni. Ég var búin að heyra að það væri mjög góð berjaspretta, en varð svo bara fyrir smá vonbrigðum. Nóg var af krækiberjunum en bláberin voru bæði lítil og óþroskuð, fór nefnilega á sama stað í fyrra á svipuðum tíma og þá var allt morandi í flottum bláberjum hmmm...... kannski fer þurrkurinn svona illa í bláberin.

En jæja, þegar við vorum búnar að tína ber í rúmlega hálftíma var Skottið eiginlega búin að fá nóg vildi bara fá nesti og labba svo uppí skóginn eins og við gerðum í fyrra!! Skrítið hvað þessar elskur vilja gera allt eins og síðast hehehe....

En aðalmálið í þessu var auðvitað samveran, vera úti í móa og borða nesti.

Bara frábært!

Göngutúrar í Mosó!

Fór í gönguferð í fyrrakvöld með flottum stelpum, erum að spá í að gera þetta að vikulegum ferðum, ekki satt stelpur? Töluðum mikið og mér varð á orði á miðri leið að við þyrftum aðeins að hægja á okkur, það væri erfiðara að tala og labba í einu en bara labba hehehehe.... Sko það kom ekki til greina að minnka masið!! En allavega tókum góðan hring í kring um Helgafellið, í gegnum Skammadalinn og meðfram Varmánni.

Tíkin fór á kostum og gelti frá sér allt vit þegar við mætttum hestamönnum, alveg ferlegt, þarf að taka á þessu einhvern veginn. Dauðskammast mín fyrir hana þó að þessir hestamenn hafi nú bara gert grín að henni þá eru nú ekki allir svona umburðalyndir, púfff.........

Frábær gönguferð í frábæru veðri og frábærum félagsskap.

Borgin okkar allra

Já, það er sjaldan logn í pólitík og svo má líka segja að nokkrir klukkutímar séu langur tími í pólitík hehehe.....
Óskar segir fyrir hádegi að þetta hafi ekkert verið rætt við sig og hann er kominn í stjórn um kvöldið. Gaman að þessu. Við vorum eitthvað að spá í það í hádeginu í gær hvenær Hanna Birna ætti að taka við sem borgarstjóri og ég slæ því fram svona í fíflagangi að það verði nú bara seinnipartinn hehehe....

Bæ, bæ Óli, maður hittir hann kannski bara á Vínbarnum, manni skilst að hann sé soldið svona út á lífinu hmmm......

Vonum að þessi meirihluti haldi nú.

Ólympíuleikar

Já nú standa ólympíuleikarnir í Peking sem hæst. Fylgist auðvitað með "strákunum okkar" í handboltanum og vaknaði í morgun, reyndar ekki fyrr en í seinni hálfleik. Þeir eru flottir.
Er soldið spennt yfir sundfólkinu okkar líka, þar sem sonurinn æfir sund og ég þekki tvo af ólympíuförunum okkar í sundi finnst mér þetta mjög gaman. Það er reyndar ótrúlegt hvað bætingarnar geta verið miklar hjá þessu fólki, hvar endar þetta eiginlega, endalaus heimsmet. Flottur hann Phelps þó ég myndi örugglega ekki þekkja hann útá götu í fötum hehehehe........

Já Ragga setti íslandsmet og Hjörtur var að bæta sinn tíma. Jibbý, flottir krakkar.

MSN og broskallar

Fór að spá í hvernig sumir eru alltaf með svona rosa broskalla og slíkt á MSN-inu sínu. Fann útúr þessu og nú er ég í því að skoða svona kalla

það er ótrúlegt það sem maður getur fundið út úr þessu og nú verða bloggin mín full af alls konar vitleysu héreftir .

Haustverkin

Var að byrja að vinna í gær eftir mjög gott sumarfrí, það er að renna upp fyrir manni að nú tekur við sama gamla rútínan. Það er ekkert nýtt að gerast hjá krökkunum þetta haustið þau fara bara öll á sína staði, í skóla sem þau þekkja vel þannig að einhvern vegin er stressið minna núna en oft áður svona að hausti.

Tók mig til á sunnudaginn og olíubar allan skjólveggin hjá mér í kringum pallinn, var afskaplega stolt af mér og ósköp fegin að þessu er lokið. Nú á bara eftir að bera á húsgögnin, en þau eru svona gömul furuhúsgögn keypt í DK á sínum tíma orðin semsagt 14 ára gömul, en standa enn fyrir sínu.

Langar að fara í berjamó og komast einhvers staðar í rifsber, hef oft soðið rifsberjahlaup og sultur á haustin. Já, sko maður getur alveg verið soldið húsmóðurleg ef maður vill svo vera láta hehehe..... Langar líka soldið að skreppa uppá Esjuna við tækifæri, tek einhvern frídaginn í það.

Annars bíður maður bara spenntur eftir september en þá er ég að fara til Parísar og svo er það Edinborg í október og svo koma jólin ( sko það eru bara 134 dagar til jóla......! ).

Vááá hvað tíminn er fljótur að líða.

Gay pride!

Tók, Gay pride daginn með stæl, er sko ekkert að koma úr skápnum eða þannig sko, en ákváð að mála bæinn rauðan á þessum degi, semsagt góð ástæða til að detta í'ða eins og einhver myndi orða þetta. Allavega fórum við í bæinn með strætó (veitir ekki af að styrkja þá greyin allt á hausnum) og viti menn það var bara fullur strætó af ungu fólki (eins og okkur) á leiðinni í bæinn.

Gangan var flott og skemmtileg að vanda, en samt þótti mér svona ekki nógu mikið stuð á Laugarveginum sjálfum þ.e. hjá þeim sem voru að horfa á, oft hefur verið klappað og stappað í takt við atriðin en það var ekki þannig í gær. Jæja nóg var af fólkinu og var Arnarhóllinn fullur af fólki þegar göngunni lauk. Við skelltum okkur inn á Hressó og fengum okkur bjór og nachos, þaðan fórum við svo í Ríkið og keyptum okkur smá hvítvínsflöskur svona minni gerðina og stormuðum svo upp að gamla skólanum okkar MR, settumst á tröppurnar og fengum okkur smá hvítvín hehehe..... orðaði það seinna um kvöldið þannig að ég hefði ekki drukkið á þessum tröppum síðan á "Dimmision" 1986!

Þaðan strunsuðum við síðan upp Laugarveginn og fundum okkur geggjaðan mexíkanskan stað og borðuðum þar. Ok, okkur varð litið á klukkuna og hún var ennþá alltof lítið til að fara á eitthvert pöbbarölt svo við skelltum okkur á Mamma Mía í bíó svona til að fá smá fíling!

Þegar myndinni var lokið hófst svo hin hefðbundna ganga á milli pöbba að kíkja á lífið.

Mjög góður dagur!

Bíó og GSM símar

Fór í bíó áðan með Gelgjunni, sáum Batmanmyndina margumtöluðu. Hún var reyndar mjög góð og fannst mér sérstaklega "Jókerinn" vera alveg frábær. Það sem mér finnst aftur á móti fyndnast við bíóferðir eru GSM símarnir, sumir eru svo illa haldnir að þeir eru að senda SMS í miðri mynd og svo eru stafirnir varla farnir að rúlla þegar allir taka upp símana sína og stilla þá aftur á hringingu, bara fyndið. Jafnvel í hléi eru menn búnir að taka upp símann og tékka á "missed calls" og sms unum. Ótrúlegt hvað fólk er orðið háð þessu hmmmm..... ég er kannski ekkert skárri en ég man þó GSM lausa veröld hehehe.....

Landsmót skáta!

Eins og þeir fáu sem hingað kíkja hafa tekið eftir er ég búin að vera í sumarfríi og er enn. Það sem ég gerði í fríinu er eitt það gáfulegasta sem ég hef gert lengi, ég brunaði norður að Hömrum á Akureyri og skellti mér á Landsmót skáta!

Ég kíkti ekki bara heldur ákvað það að ég og Skottið yrðum þarna í heila viku og tækjum þátt í öllum pakkanum. Frábær ákvörðun. Gelgjan var þátttakandi þannig að hún var bara með sínum skátum á sínu svæði, við hinar vorum aftur á móti í fjölskyldubúðum. Þar var ásamt okkur nokkuð góður hópur af foreldrum frá okkar félagi. Meðal annarra var þarna vinkona mín sem einnig er ein með sitt Skott.

Við mættum þarna á þriðjudegi tjölduðum og tókum svo þátt í setningu mótsins þar sem Páll Óskar mætti af sinni alkunnu snilld og fékk þarna nokkur þúsund unglinga, bláedrú, til að tjútta frá sér allt vit. Á miðvikudeginum áttum við eldhúsvakt hjá okkar félagi og fór sá dagur að mestu leyti fram í eldhústjaldinu nema Skottin okkar þurftu að vera nokkurn vegin á eigin vegum, þær voru reyndar í góðum höndum hjá okkar fólki, en undir kvöldmat var ég farin að sakna Skottsins míns og fór að leita og svo endaði það með því að allar fjölskyldubúðirnar voru farnar að leita og engin mundi hvenær þeir höfðu séð hana síðast. Púff.... þarna var gengin fram og til baka leiðin frá eldhústjaldinu og að fjölskyldubúðunum, þeir sem verið hafa að Hömrum vita að þarna er allt fullt af litlum tjörnum og lækjum þar sem 5 ára Skott geta auðveldlega gleymt sér og hreinlega farið sér að voða. Ég var að því komin að blása til allsherjar leitar og kalla til öryggisverði svæðisins þegar hún fannst og vitið þið hvar? Hehe.... sofandi inni í tjaldi, búin að renna upp rennilásnum og allt þannig að engan grunaði neitt. Púff..... erfiður fyrsti dagur. Dagana þar á eftir vorum við lausar við allar skyldur og skruppum í sund, tókum þátt í dagskrá þar sem það átti við, fórum í bæinn osfrv. osfrv.

Frábærir dagar í frábæru veðri, held að hitastigið hafi varla farið niður fyrir 15°C og sólin lét sjá sig alla dagana, og það kom einn rigningarskúr! Frábært!

Einu sinni skáti ávallt skáti!

"Relationships in the city"

Fór í gær á myndina "Sex in the city" með Gelgjunni. Hún var reyndar mjög skemmtileg á köflum og yfirhöfuð ágæt mynd. Hún var nú reyndar í það lengsta og voru þau nokkur atriðin sem við hefðu getað klippt aðeins mæðgurnar og stytt myndina verulega, enda óþarfi að hafa svona mynd í tvo og hálfan tíma.

Það sem mér fannst soldið athyglisvert í myndinni var að áherslurnar hafa breyst nokkuð, nú eru þær allar vinkonurnar komnar í sambönd sem hafa varað í einhver ár og aðrar áherslur komnar í lífið hjá þeim og nokkuð langt frá kærulausu stelpunum sem stunduðu það að "hösla" sem mest og lýsa svo kynlífinu og samverunni fyrir hinum. Jafnvel gera grín að "fórnarlambi höslsins". En við skemmtum okkur bara nokkuð vel og get alveg mælt með þessari mynd sem ágætri kvöldskemmtun.

p.s. hún er sýnd í sal 4 í Háskólabíó og var salurinn næstum fullur en aðeins sá ég 2 karlmenn í salnum.

Þyrlur!

Já, það eru greinilega breyttir tímar. Ekki er langt síðan aðeins ein eða tvær þyrlur voru til á landinu og voru þær aðallega notaðar til björgunaraðgerða ýmis konar. Í dag er til fjöldi þyrlna og er alls konar fólk (ja, aðallega það sem á pening) farið að nýta sér þennan ferðamáta og þessi frábæru tæki til verka og flutninga.

Ekki er langt síðan frétt kom um það að menn hefðu komið á þyrlu úr Kjarrá til að fá sér pylsu í Baulu, svo óheppilega vildi til að peningaveskin gleymdust í jeppunum við ánna en þetta voru þekktir menn í viðskipalífinu svo þeir fengu að skrifa pylsuna hjá sér í sjoppunni. Skottið mitt var nú ekki lengi að grípa þetta og svaraði því til um daginn þegar pabbi hennar sagðist hafa skilið veskið eftir heima, hvort þau gætu ekki bara skrifað djúsinn hjá sér eins og "......".

Nú vill Björn Bjarnason banna þyrluflug yfir Þingvöllum, en eitthvað er um það að sumarbústaðaeigendur hafi notað þyrlur til að flytja að efni til endurbygginga og endurnýjunar bústaða við Þingvelli hmm.... Þetta stafar örugglega af því að hann sjálfur á bústað við Þingvelli og þetta hefur pirrað hann um helgina, þegar hann hefur ætlað að njóta kyrrðarinnar við vatnið. Á hvaða forsendum ætlar hann að styðja þetta bann, kannski er það hægt af því að um þjóðgarð er að ræða, en hvað gerir hann svo þegar hann sjálfur fattar þessi frábæru tæki og vill nýta sér þau?

Ég heyrði líka af yfir hundrað manna erlendum hópi sem lét flytja sig með þyrlum upp á Langjökul.

Já það er kannski málið að losa sig við bílinn og fá sér þyrlu í staðinn??

Húsmæðraorlof!

Já, ég fór ásamt vinkonu minni í "húsmæðraorlof" í Borganes um helgina. Við vöknuðum eldsnemma á laugardag og lögðum af stað vestur á Snæfellsnes með gönguskó og stafi í skottinu. Vorum með góðan ásetning um að taka nú góða göngutúra, ganga á milli Arnarstapa og Hellna, fara niður í Dritvík, uppí Sönghelli ofl. ofl. Á leið okkar vestur byrjaði að rigna, og svo rigndi og rigndi, þegar við keyrðum í Staðarsveitinni, sáum við ekki einu sinni fjöllin á hægri hönd þvílík var þokan og rigningin. Við enduðum í hádegismat í Fjörukaffi á Hellnum, fórum svo upp í Sönghelli þar sem við keyrðum fram á erlendan puttaferðalang. Við spáðum svolítið í það hvort við ættum að taka hann uppí, en hann var greinilega á leið upp Jökulhálsinn en við ætluðum ekki þá leiðinni þannig að við skildum hann bara eftir í hellinum. Hefur einhver heyrt um týndan ferðalang á Snæfellsnesi hmmm.....?
Þaðan tókum við bara stystu leið í Borgarnes þar sem beið okkar hótelherbergi á Hótel Hamri, heitur pottur og dásamlegur kvöldverður. Á sunnudeginum fengum við okkur morgunmat, gerðumst herbergisþernur, hjálpuðum aðeins til í eldhúsinu í frágangi eftir morgunmat og gerðumst svo léttadrengir og hjálpuðum heilli rútu af amerískum eldri borgurum með töskurnar sínar. Sáum svo sýninguna "Börn í 100 ár" í Safnahúsinu í Borgarnesi og fengum okkur léttan hádegisverð í "Vinakaffi".
Komum svo heim með bros á vör eftir vel heppnaða helgi og mikinn hlátur.

Mamma mia!

Fór að sjá Mamma mia í gær með Gelgjunni. Hún er reyndar búin að sjá "showið" í London tvisvar sem er meira en ég get sagt þar sem ég hef ekki séð það. Mér fannst myndin yndisleg, bæði grét og hló. Ofsalega gaman að sjá heldri leikara, þ.e. sem ekki eru bara þrjátíu og eitthvað í svona skemmtilegri mynd. Reyndar eru þessir karlmenn sem léku í myndinni alveg sér á parti, allir fjallmyndarlegir og sama má svo sem segja um konurnar, en samt náðu þau einhvern vegin að leika svona nokkuð venjulegt fólk hehehe.....

Svo er tónlistin líka alveg frábær, hlustaði nú á ABBA hérna í gamla daga alveg í rot, og safnaði ABBA myndum hmmm....

Mæli með þessari mynd fyrir alla.

Gúrka!

Já, það mætti halda að það væri "gúrka" í fréttamiðlum landsins. Það eru allir enn að fjalla um flóttamanninn sem sendur var til Ítalíu, ég bloggaði nú um það í gær og afgreiddi það þannig, mér finnst ekkert meira um það að segja.

Nú virðist krónan eitthvað vera að styrkjast svo brúnin ætti nú að lyftast á mörgum, einnig er margir sjálfstæðismenn hættir að fá útbrot þegar minnst er á Evrópusambandið, þannig að enn er von þar. Ég hef svo sem sagt það fyrir löngu að við ættum að ganga í sambandið og taka upp evruna, sem er eitthvað stöðugri en krónan. Mér líst aftur á móti ekkert á að taka upp dollar, hverjum datt það eiginlega í hug?

Hérna situr maður í vinnunni og nennir ekki að vinna, síminn hringir varla og það berst bara einn og einn póstur, sem sjaldnast er vinnutengdur og maður telur dagana þar til maður fer í frí. Í dag eru það 8 vinnudagar.

Flóttamenn og dómskerfið.

Það er kannski að bera í bakkafullan lækinn að ræða mál Keníska flóttamannsins hérna hans Ramses. Mín skoðun er sú að á meðan maðurinn er ekki dæmdur glæpamaður, morðingi eða eitthvað þaðan af verra í heimalandi sínu heldur er flóttamaður vegna þátttöku sinnar í stjórnmálum eigi hann og fjölskylda hans að fá hér hæli, punktur basta.

Hann hefur tengsl við Ísland, afhverju þá senda hann til Ítalíu? Ég skil heldur ekki alveg afhverju kona hans er með dvalarleyfi í Svíþjóð en ekki hann og af hverju honum einum var vísað héðan en ekki allri fjölskyldunni. Skil ekki alveg svona vinnubrögð. Mér finnst að þessi mál og mörg önnur eins og t.d. dómsmál eigi ekki að fá misjafna meðhöndlun og það fari eftir dagsformi embættismanna hvort menn fá hér hæli eða ekki og hve langa dóma menn fá í dómsmálum.

Sorrý Stína mín þú fékkst fimm ára dóm af því að dómarinn var í fúlu skapi, hann var eitthvað að tuða í krökkunum sínum í morgun. Hún Sigga sem framdi nákvæmlega sama glæp og þú fékk bara 2ja ára dóm af því hún var með annan og betri lögfræðing og hennar dómari hafði unnið í lottóinu á laugardag......

Við viljum ekki svona dómskerfi er það?

Saxi, ekki læknir sko!

Ég læddi hérna inn á hliðarlínuna tengil á gamlan skólabróður minn hann Einar Braga mikill saxófónleikari sem býr nú austur á Seyðisfirði. Hann var að flytja frumsamið verk sitt Drauma og naut þar aðstoðar annars "gamals" Garðbæings hennar Irmu Gunnarsdóttur, sem samdi dansana, í virkjanagöngunum í Fljótsdal, hefði gjarnan viljað vera þarna frábær stemmning og sérstakt umhverfi. Kíkið á myndböndin á síðunni hans.

Vona að þau komi með þetta hingað suður.

Vinna, sól og blíða!

Jæja, þá er sumarið komið fyrir alvöru á Íslandi, spáð hitabylgju um helgina og áfram næstu viku. Er þetta ekki alveg týpískt? Ég fer ekki í frí fyrr en 21. júlí þá verður örugglega byrjað að rigna eða hvað? Jæja Skottið er að fara í frí með pabba sínum núna þannig að þau ættu að geta notið blíðunnar.

En það er hrikalega erfitt að vinna í þessari stemmningu sem er í gangi, þeir fáu sem ekki eru í fríi í vinnunni eru í skreppitúrum, mæta seint og hætta snemma!!

Er eiginlega búin að lofa mér því að nýta tímann á meðan Skottið er hjá pabba sínum og mæta snemma í vinnunna. Þá meina ég bara svona hálfátta eitthvað svoleiðis. Jæja það kemur í ljós hvort maður stendur við stóru orðin.

Það sem toppar þetta eiginlega er að á morgun er ég víst búin að lofa mér í vinnu við Bíkarmót sundsambandssins og það er haldið innandyra í Reykjanesbæ púff...

Viva España!

Fimmvörðuháls

Jæja góðir hálsar þá er maður búinn að fara yfir Fimmvörðuháls. Gelgjan og ég fórum með skátahópnum "okkar" í fjölskylduferð yfir Fimmvörðuháls. Þetta er nú ein lengsta 22 km. og erfiðasta dagleið sem hægt er að fara skilst manni, en við stelpurnar kláruðum þetta. Veðrið var yndislegt, sólarlaust, hlýtt og logn, efst uppi var nokkuð rok og voru þá jakkarnir dregnir fram, þegar komið var yfir hálsinn tekur við alveg dásamlegt útsýni og fjallasýn. Ekki var þokunni fyrir að fara þannig að þetta var bara meiriháttar. Mér skilst að það sé ekki oft sem maður er svona heppinn með veður þarna á hálsinum. Þegar komið var níður og í skálann, en ið gistum í skálanum í Básum tók á móti okkur grillað lambalæri sem snillinn hann Gunni hafði grillað, bakaðar kartöflur, salat og sósa, alveg æðislegt. Takk Gunni. Í gær fórum við svo í léttan göngutúr yfir Krossánna, þaðan í Langadal og röltum svo yfir í Húsadal þaðan sem við tókum svo rútuna heim.

Þórsmörkin er alltaf dásamleg og rómantísk, ég hef ekki verið þarna öðru vísi en í góðu veðri, þarna kyntist ég líka ástinni minni fyrir réttu 21 ári síðan, en ekki var nú rómantíkinni svo sem fyrir að fara í þessari ferð, því miður. Verð að drífa mig sem fyrst þarna aftur.

Smá blús!

Fékk þetta sent, smá svona pæling.

1. Þú veist að þú ert ástfangin þegar það erfiðasta sem þú gerir er að segja bless.

2. Við fengum tvær hendur, tvo fætur, tvö augu, tvö eyru, en af hverju bara eitt hjarta? Vegna þess að hitt var gefið örðum og við þurfum að finna það.

3. Besta gjöfin er að elska og vera elskuð á móti.

4. Ég lofa að gleyma aldrei deginum sem við hittumst, himnarnir geta grátið og stjörnurnar hrapað en ég mun alltaf elska þig.

5. Þegar þú elskar einhver er sá hinn sami að eilífu hluti af þér.

6. Það besta og fallegasta í heiminum er ekki hægt að sjá eða snerta, það verður að finna það með hjartanu.

7. Hjartað skynjar það sem augun sjá ekki og veit það sem við skiljum ekki.

8. Ég verð alltaf við hlið þér, þerra tárin og verð besti vinur þinn, ég brosi þegar þú brosir og ef þú grætur einu einasta tári þá lofa ég að gráta líka.

9. Ástin er ekki sýnileg með augunum en hjartað sér allt greinilega.

10. Elskaðu, og þú munt fá það margfalt til baka.

11. Skynsöm ást er ekki til vegna þess að hjartað ræður för.

12. Ef þú gefur einhverjum hjarta þitt, vertu þá tilbúin til að þiggja hans .....

Pabbar!

Það er gott að eiga góðan pabba, það er engin spurning. Helstu slúðurfréttir dagsins fjalla einmitt um aðalslúðurdrottningarnar Amy Whinehouse og Britney Spears og hvernig pabbar þeirra standa við bakið á þeim.

Ok, en hvað varð um "pabba" okkar hann Geira harða, hann talar bara um það í útlöndum hvað sé gott hjá okkur að hafa krónuna, skapar sveigjanleika og frelsi, já sveigjanleika til að keyra okkur í kaf, frelsi til að setja allt á hausinn, sveigjanleika til að taka lán uppá 500 milljónir evra sem við verðum næstu 50 árin að borga af. Ég held að það sé betra að Seðlabanki Evrópu í Frankfurt hugsi ekkert um okkur heldur en að okkar eigin Seðlabanki sé að hugsa um okkur. Svei mér þá.

Heyrðu Geiri, þú átt að passa okkur, gefa okkur föðurlegar leiðbeiningar ekki veita okkur svo mikið frelsi að við förum okkur að voða!

over